Heim Nyhende Regjeringa fjernar delvis sidemålskarakteren: – Eit svik mot nynorskelevane

Regjeringa fjernar delvis sidemålskarakteren: – Eit svik mot nynorskelevane

 
Måndag la kunnskapsminister Jan Tore Sanner (H) fram dei nye læreplanane. I norsk vert sidemålsvurderinga endra.
 

– Det sender eit signal til nynorskelevane om at deira språk er mindre viktig. Sjølv om det står spesifikt at det dreier seg om sidemål, så veit alle at sidemål for majoriteten er nynorsk, seier Gunnhild Skjold.

Leiaren i Norsk Målungdom er veldig skuffa over at regjeringa i dei nye læreplanane har valt å sjå bort frå deira innspel og valt å fjerna undervegsvurderingane i sidemål.

Då kunnskapsminister Jan Tore Sanner (H) presenterte dei nye læreplanane måndag, vart det klart at halvårsvurdering med karakter i sidemål går ut både i 8. og 9. klasse, og på Vg1 og Vg2.

Trass i at både Språkrådet, Noregs Mållag og Norsk Målungdom har tatt til orde for å behalde vurderinga fleire gongar.

Her kan du lese dei nye læreplanane!

Målungdommen: – Eit svik mot nynorskelevane

Skjold kallar det eit «svik mot nynorskelevane» og synest det er heilt utruleg at regjeringa kort tid etter å ha lagt fram forslag til ei ny språklov, som tek sikte på å styrkje nynorsken, legg fram læreplanar som svekkjer han.

– Mindre nynorskkompetanse i storsamfunnet vil gjera det vanskelegare å vera nynorskelev og det å slå saman undervegsvurderinga vil føra til lågare kompetanse, spår Skjold.

 

Ho får støtte frå Noregs Mållag som, i ei pressemelding, skuldar regjeringa for å bryte med sine eigne intensjonar i språkpolitikken når dei no legg fram læreplanane.

Språkrådet har tidlegare etterlyst ei tydeleg satsing på nynorsk som sidemål og som hovudmål i læreplanane, og var samde med målrørsla om at dette krev halvårskarakter i sidemål i alle klassar både på ungdomsskulen og på vidaregåande.

Sjølv om undervegsvurderinga no går ut, seier mållagsleiar Magne Aasbrenn i pressemeldinga at dei er letta over at halvårsvurderinga vert ståande i 10. klasse og Vg3, og at elevar framleis skal ha standpunktkarakter i sidemål.

Les også: Elevar skal trene på demokrati i matematikk, gym, musikk og naturfag

Fryktar taktisk språkskifte

Målungdommen vil no jobbe inn mot skulane og lærarane for å få dei til å ta ansvar for nynorskopplæringa.

– Me veit at elevar flest synest sidemålsundervisninga i dag er for dårleg og at norsklærarar ikkje får god nok opplæring til å læra det bort, difor har me jobba inn mot lærarutdanningane for å freista å få dei til å betra opplæringa, fortel Skjold.

Ho er spesielt uroa for presset på elevar i språkdelte område og den nye formuleringa om at lærarane i vurderinga skal ta omsyn til at elevane har hatt lengre tid med formell opplæring i hovudmålet enn sidemålet.

– Me fryktar det kjem til å setje fart på språkskifte frå nynorsk til bokmål som hovudmål. Me veit at dei fleste nynorskelevar elev er minst like gode i bokmål, så dette vil stimulera til taktisk språkskifte for å få betre karakterar jamt over, seier Skjold.

Dei nye læreplanane vert innførte gradvis i ulike trinn frå august 2020 fram mot 2022.

Les også: Snur etter massiv kritikk: Føreslår å halda på song i norskfaget for 1.-4.klasse

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Den nye opplæringslova er ikkje god nok for nynorskelevane

Fredag 24. mars 2023 la Tonje Brenna fram forslag til ny opplæringslov. Norsk Målungdom synest det er fleire gode framlegg for nynorskelevane, men at...

Målblome til ålesundordførar Eva Vinje Aurdal

– Norske kommunar er viktige språkaktørar, og mellom 356 nyansar av kommunegrått har språket vårt både bøller og bestevener. Midt i det grå står...

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...