Heim Nyhende Rekordstort landsmøte

Rekordstort landsmøte

Fredag 15. april klokka 12, opnar Marit Aakre Tennø landsmøtet i Bergen. Det er rekordpåmelding og over 200 kjem til å vere i landsmøtesalen. 

 

I fjor var fyrste året sidan 1948 der Noregs Mållag ikkje heldt landsmøte. I staden samlast organisasjonen til både vårseminar i Fredrikstad og haustseminar i Odda. I tillegg skipar stadig fleire lokallag til regionale seminar, der fylkes- og lokallaga møtest til målpolitiske ordskifte. Desse mindre møta blir stadig betre og viktigare, og er gode samlingar for organisasjonen.

– Det er likevel noko eige å samlast til eit landsmøte, seier Gro Morken Endresen, dagleg leiar i Noregs Mållag i ei pressemelding.

– Særleg når det teiknar til å bli rekordstort. Det er mange år sidan me har vore så mange, og det er særs gledeleg at så mange lokallag tek seg tid og råd til å reisa til Bergen denne helga. No har me vorte så mange at hotellet ikkje kan husa alle, og me har vore nøydde til å ta i bruk andre hotell. Men dette er eit lukusproblem me lever godt med. 

– Vil det seia at grepet med å ha landsmøte annakvart har vore vellukka?

– Det er det vel for tidleg å seie noko om, men i år ser det i alle fall slik ut. Det vitnar om at lokallaga har venta på og gleda seg like mykje til dette som me sentralt har gjort. Men for å vera meir alvorleg: eg trur det er eit teikn på den stadig aukande aktiviteten i organisasjonen. Medlemstalet er høgt, lokallaga har høg aktivitet og det har kome til mange nye lag berre det siste året. Då er det naturleg også å vera med på den viktigaste samlinga i organisasjonen. Dette er ein møteplass for engasjerte målfolk, og eg håpar og trur mange vil finna ny inspirasjon som dei kan å ta med seg heim.

– Er det noko du særleg vil trekkja fram?

– Eg meiner sjølvsagt at alt er like interessant, frå innleiingane om nynorsk i fagrørsla, stadnamn og sosiale medium som skal inspirera til arbeid i laga, til språkrådsdirektør Åse Wetås sin tankar om dei lange linjene i norsk språkpolitikk. Det er viktig med spenn, og det trur eg me har fått til i år, seier Endresen.

Landsmøte er meir enn berre politikk. Fleire prisar vil bli delte under møtet, og i løpet av helga skal både Helge Jordal og Sigrid Moldestad underhalda møtelyden.  

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Den nye opplæringslova er ikkje god nok for nynorskelevane

Fredag 24. mars 2023 la Tonje Brenna fram forslag til ny opplæringslov. Norsk Målungdom synest det er fleire gode framlegg for nynorskelevane, men at...

Målblome til ålesundordførar Eva Vinje Aurdal

– Norske kommunar er viktige språkaktørar, og mellom 356 nyansar av kommunegrått har språket vårt både bøller og bestevener. Midt i det grå står...

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...