Heim Nyhende Riksarkivaren seier nei sky-arkiv i utlandet

Riksarkivaren seier nei sky-arkiv i utlandet

Riksarkivet åtvarar kommunar som vil spare pengar, mot å slå til på lokkande tilbod om sky-lagring frå utanlandske selskap.

 

Det kan vere ei billig løysing å lagre offentlege arkiv hos utanlandske skytenester, men det strir mot arkivlova. Arkivlova forbyr i klartekst å føre arkiv ut av landet, og Riksantikvaren meiner dette òg er eit forbod mot å bruke skytenester.

Arkivverket får stadig fleire meldingar frå kommunar og offentlege institusjonar som ønskjer å leggje arkiva sine til nettskya.

– Vi ser at det kan vere fordelar med å nytte skylagring. For mange er det den økonomiske gevinsten som lokkar, for andre kan det vere ein betre tryggleik mot tap av data. Men dersom ein slik avtale betyr at lagringa skjer utanfor landegrensene, er det i strid med lova, seier underdirektør Tor Anton Gaarder i Riksarkivet til NTB.

At dataa er lett tilgjengelege over internett, er ikkje eit argument for å lagre dei i utlandet, meiner Riksarkivaren. Ikkje ein gong ein tryggleikskopi av arkivet kan vere utanfor landegrensene.

Gaarder seier at noko av problemet i dag er at det ikkje eksisterer reglar eller kriterium om rett forvaltning av arkiv. I prinsippet har alle norske kommunar eitt eller fleire arkiv som er omfatta av arkivlova. Det same gjeld mange andre offentlege institusjonar. Arkivlova er rettesnora for slikt, men ho er frå 1992 og tar ikkje stilling til fleire av moglegheitene – og dilemmaene – som finst i dag for den som er sett til å forvalte slike arkiv. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...

Unikt Aasen-materiale publisert på nett

Boksamlinga etter Ivar Aasen inneheld omlag 2 500 bøker. I januar i år tok Nynorsk kultursentrum til på arbeidet med å gå gjennom alle...