Heim Nyhende Vil ha Odda-modellen landet over

Vil ha Odda-modellen landet over

Politikarar i Odda vil leggja ned ordninga med språkdelte klassar i ungdomsskulen. Noregs Mållag vil gjere ho til nasjonal politikk.

 

Til helga møtest Noregs Mållag til nasjonalt haustseminar i Odda. Hovudemnet er opplæringspolitikken for nynorskelevane i grunnskulen. Særleg fokus vert det på korleis ein sikrar at elevar i språkdelte område får god nok opplæring i nynorsk.

LES OGSÅ: Odda-modellen under press

Vil ha språkdeling i ungdomsskulen
«Her er det mykje å læra av den såkalla Odda-modellen», skriv Mållaget i ei pressemelding.

Marit Aakre Tennø har tidlegare kritisert skulen for å gjere for lite for å demme opp for nynorskflukta og kome med ei klår oppmoding til kunnskapsminister Torbjørn Røe Isaksen (H).

– Lat elevane i ungdomsskulen ha dei same rettane til å gå i eigen klasse i ungdomsskulen som i barneskulen, så langt det er råd. Om dei ikkje er mange nok til ein heil klasse, må ein samle nynorskelevane i same klassen, sa Tennø i etterkant av rapporten «Undersøkelse av nynorsk som hovedmål» .

LES OGSÅ: Lettar byrda for språkdelte kommunar 

Budsjettpress
I dag er elevane berre sikra retten til opplæring på eige språk dei fyrste sju åra av ein 13-årig skulegang.

«I område med berre nynorskelevar eller berre bokmålselevar er dette uproblematisk, men i språkblanda område er det ofte nynorskelevane som kjem i mindretal og som taper; dei hamnar i klasser der opplæringa skjer på bokmål. I Odda har ein løyst dette med å ha eigne bokmålsklasser og eigne nynorskklasser. Slik er elevane sikra god opplæring på hovudspråket sitt gjennom heile ungdomsskulen», står det i pressemeldinga.

Denne modellen er under press i Odda der saka har vore oppe i kommunestyret fleire gonger fordi rådmannen meiner ordninga er for kostbar. I år gjekk kommunestyret inn for ei skikkeleg vurdering av ordninga, for å hindra at språkdelte klassar vert ein stor debatt i alle framtidige budsjettdebattar.

Denne helga skal altså Mållaget få læra meir om Odda-modellen.

I tillegg står den nye kommunereforma på programmet – sjølvsagt sett med språkpolitiske auge. 

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...

Unikt Aasen-materiale publisert på nett

Boksamlinga etter Ivar Aasen inneheld omlag 2 500 bøker. I januar i år tok Nynorsk kultursentrum til på arbeidet med å gå gjennom alle...