Heim Nyhende Ros til Sogn og Fjordane fylkeskommune

Ros til Sogn og Fjordane fylkeskommune

Noregs Mållag rosar fylkeskommunen for å invitere kulturministeren til eit språkpolitisk møte.

Som LNK.no tidlegare har meldt har fylkesordførar Åshild Kjelsnes på vegner av Sogn og Fjordane fylkeskommune invitert kulturminister Thorhild Widvey til Sogn og Fjordane for eit språkpolitisk møte. Målsetnaden er at statsråden skal verte kjend med nynorskfylket og at vitjinga kan vere til inspirasjon i det vidare arbeidet med å styrkje, synleggjere og drøfte stoda for det nynorske skrift-språket og styrkje nynorsken sin posisjon.

– Noregs Mållag set stor pris på dette initiativet. Det er viktig at kulturministeren får høve til å sjå korleis nynorsken ser ut, sett frå Sogn og Fjordane. Her er nynorsk majoritetsspråket og har styrkt seg dei siste tjue åra. Både mållov og obligatorisk sidemålsundervisning i heile landet har medverka til at stoda er som ho er i dag i fylket. I dag er den jamne innbyggjaren i Sogn og Fjordane stolt av eige språk, og det er viktig at Sogn og Fjordane tek på seg leiartrøya i arbeidet for nynorsk, heiter det i ei fråsegn frå Noregs Mållag.

– Kulturminister Thorhild Widvey er sentral i utviklinga av norsk språkpolitikk, og både styrken til og utfordringane for nynorsk som bruksspråk er viktige å få fram, legg Mållaget til.

Noregs Mållag opplever at Sogn og Fjordane fylkeskommune tek framtida for det nynorske skrift-språket på alvor. Særleg gjennom den språkpolitiske satsinga i fylkestinget med etablering av eit nynorsk forum for å styrkje nynorsken sin posisjon – der både private og offentlege aktørar er rep-resenterte.

Noregs Mållag ynskjer å oppmode andre fylke om å diskutere stoda for nynorsken i eige fylke, og å diskutere med sentrale styresmakter kva utfordringar ein har for å halde oppe nynorskbruken.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Nynorsk teaterjubel i raudgrøn budsjettsemje

– Alle som er glade i nynorsk scenekunst, kan sende ein varm tanke og ei hjarteleg takk til Audun Lysbakken og SV. Det seier leiar...

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...