Inger Johanne Sæterbakk (30) er tilsett som prosjektleiar for Språkåret 2013.
Ho er no informasjonsrådgivar i Tromsø kommune, i juni tar ho til i ny jobb som prosjektleiar for Språkåret.
– Dette er ei spanande oppgåve som eg gler meg til å ta fatt på, seier ho i ei pressemelding.
I Ivar Aasen-året 1996 skreiv ho sin første tekst på nynorsk, etter den tid har ho knytt den språklege identiteten til nynorsk skriftspråk og nordnorsk dialekt. Sæterbakk var nynorskpraktikant ved NRK Nynorsk mediesenter 2004 – 2005, ho har også vore journalist i NRK Troms og Finnmark og i NRK P2 Kulturnytt, i tillegg har ho erfaring som marknads-og informasjonskonsulent ved Hålogaland Teater.
Direktør ved Nynorsk kultursentrum, Ottar Grepstad, legg også vekt på at det vil bli utlyst ytterlegare ei stilling til Språkåret 2013.
– Me treng ein prosjektsekretær som har lyst til å vere med og gjere noko ingen har gjort før, seier han.
