Heim Nyhende Samla nynorsk-krav til Erna Solberg

Samla nynorsk-krav til Erna Solberg

18 nynorske institusjonar og organisasjonar står samla bak kravet om støtte til LNK, Vinjesenteret og nynorske tiltak for barn og unge.

 

– Det fremste tiltaket for å styrkja nynorskinstitusjonane og dermed nynorsksatsinga i statsbudsjettet, er ein generell auke i basisløyvingane til institusjonane, heiter det i eit brev som Nynorsk Forum har skrive til statsminister Erna Solberg.

Nynorskindeksen måler kor mykje statlege løyvingar til nasjonale og regionale nynorsktiltak utgjer i prosent av det samla kulturbudsjettet. Frå å vere på 3,3 prosent i 2005-2007 og 3,2 prosent i 2010 er nynorskindeksen for 2017 berre 2,6 prosent.

Ber om auke på over 6,2 millionar
Nynorsk Forum ber særleg om ei auke for Landssamanslutninga av nynorskkommunar (LNK), Vinjesenteret og eit prosjekt for meir teater til barn i Det Norske Teatret. Nynorsk Forum ber om støtte på nær ni millionar kroner til desse tiltaka, ein auke på over 6,2 millionar frå året før.

LNK driv Framtida.no, i tillegg til Magasinett.no og Pirion.no. Og no i haust startar LNK opp ei stor nynorsk barnesatsing. Alle tiltaka er ein del av satsinga på nynorsk på nett for barn og ungdom.

– LNK driv i stor grad av eigenfinansiering av prosjekta sine, men er heilt avhengig av årvisse tilskot på 1,5 millionar kroner for å unngå reduksjon og nedlegging av tilboda for born og unge, heiter det i brevet, som òg er sendt kunnskapsministeren, kommunalministeren og kulturministeren.

Måtte ha vore 75 millionar høgare
Dei statlege løyvingane til nynorsktiltak i 2017 måtte ha vore 75 millionar høgare for å vera på same nivå som for ti år sidan, ifølgje Nynorsk Forum.

– I lys av dette er ønska svært moderate, skriv dei 18 nynorske organisasjonane og institusjonane i brevet.

Nynorsk Forum krev òg at regjeringa legg fram ei ny språkmelding i vår, og minner om at Språklova krev at dette blir gjort kvart fjerde år. No er det 11 år sidan det blei gjort.

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

Strategi for Nynorskkommunane (LNK) 2025-2029

Landstinget vedtok ny strategi for Landssamanslutninga av nynorskkommunar – LNK. Strategien bygger på prinsipprogrammet til LNK: • LNK skal leggja til rette for at medlemene kan vera...

Jubileumsfeiringar, sterke stemmer og sommarstemning under Festspela

Festspela 2025 vart ei levande og meiningsfull markering av nynorsk språk og kultur. Med fantastisk sommarvêr, sterke kulturopplevingar og eit engasjert publikum, er det...

– No er vi klare for Festspela!

– Vi gler oss til å ta imot gjestar i alle aldrar til ein levande og samlande festival, seier festspelsjef og konstituert arenaleiar Ida...

Fråsegn frå landstinget til LNK: – Kommunane må få dekkja kostnadene til språkdelte klassar

Landstinget til LNK kjem med klart krav til at kommunane må få dekkja dei kostnadene dei har til språkdelte klassar i ungdomsskulen. Etter den nye...