Dei nye, samanslåtte kommunane Sandefjord og Larvik får no to millionar kroner kvar frå Kommunal- og moderniseringsdepartementet som påskjønning for effektivt samanslåingsarbeid.
Kommunane Stokke, Andebu og Sandefjord søkte allereie våren 2015 om å få slå seg saman til ein større Sandefjord kommune, mens Larvik og Lardal søkte i november 2015 om å få bli nye Larvik kommune.
– Dei fem kommunane har lagt ned ein stor innsats for å komme i hamn tidleg. Vi ønskjer å påskjønne kommunane for å ha arbeidd effektivt og godt for å komme raskt i mål. Dette gir meirverdi for andre kommunar som kjem etter, seier kommunal- og moderniseringsminister Jan Tore Sanner (H).
Påskjønninga kjem i tillegg til dei andre økonomiske verkemidla i kommunereforma. (©NPK)
