Ei undersøking Sentio har utført på oppdrag frå Klassekampen, viser at 59 prosent er «heilt einig» eller «litt einig» i påstanden om at «dei siste åra er det blitt ført ein politikk som bidrar til auka sentralisering i Noreg». Berre 8 prosent er heilt ueinig i påstanden.
– Dette viser at folk får med seg kva som skjer. Fellesnemnaren i alt denne regjeringa gjer, er å presse fram stordrift og sentralisering, seier Sp-leiar Trygve Slagsvold Vedum, og viser til politireform, regionreform og kommunereform som eksempel.
Kommunalminister Jan Tore Sanner (H) meiner Vedum driv med skremselspropaganda.
– Vi fører ein politikk for betre velferdstenester der folk bur. Vi byggjer meir veg og legg til rette for fleire trygge jobbar i heile Noreg. Distrikts-Noreg går bra, dei sentrale strøka veks no meir enn før, seier Sanner.
FÅ OGSÅ MED DEG: Senterpartiet ligg an til å få 2 av 4 stortingsmandat frå Sogn og Fjordane
