Heim Nyhende Semje om tidsplan for ny vestlandsregion

Semje om tidsplan for ny vestlandsregion

Fylkeskommunane Rogaland, Hordaland og Sogn og Fjordane ønskjer ein oppgåvestyrt regionprosess. No tek dei til på arbeidet med ein intensjonsplan.

 

Fylkestinga både i Rogaland, Hordaland og Sogn og Fjordane har tidlegare gjort vedtak der dei ønskjer å greie ut moglegheitene for ein utvida region. Denne veka møttest fylkesordførarar, fylkesvaraordførarar og fylkesrådmenn frå dei tre vestlandsfylka til «naboprat», der framdrifta for det vidare arbeidet med ein intensjonsplan blei bestemt.

Vedtak i desember?

– Det er no lagt opp til at fylkesting og fylkesutval i dei tre fylka før sommaren får lagt fram ei statussak der ein godkjenner hovudstrukturen i ein intensjonsavtale, og forhandlingsmandat. Fylkestinga får så intensjonsavtalen til godkjenning i oktober, med eventuelt vedtak om samanslåing i desember 2016, fortel ei pressemelding frå Sogn og Fjordane fylkeskommune.

Dei tre vestlandsfylka ønskjer ein oppgåvestyrt regionprosess og fylkesordførarane har tidlegare sendt brev til Kommunal- og moderniseringsdepartementet med krav om overføring av fleire statlege oppgåver til ein eventull storregion på Vestlandet.

Utfordringar

Kommunal- og moderniseringsminister Jan Tore Sanner (H) legg i april fram ei regionalmelding med gjennomgang av oppgåvene til fylkeskommunane, med tanke på samanslåing til større regionar.

Nettopp ei for «tynn» oppgåvemelding blei peikt på som ei mogleg utfordring i presentasjonen til Sogn og Fjordane fylkeskommune under nabomøtet. Eit høgt tempo i prosessen, mogleg sentralisering og maktforskyving mot Bergen og demokratiske konsekvensar som mindre nærleik mellom veljar og folkevald, var mellom dei andre faktorane som blei peikt på som moglege utfordringar undervegs. (©NPK)

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

Mållaget jublar: SV vil gjere språklova betre for nynorsken

SV har fremja ei rekkje forslag i Stortinget som vil gjere den nye språklova betre for nynorsken. – SV tar ansvar for å rydde...

Velkomen til landstinget til LNK! Sjå programmet og meld deg på her!

Statssekretær Trude Storheim (Ap) og direktør i Språkrådet Åse Wetås kjem saman med ei rekkje andre interessante innleiarar til landstinget til LNK 3.-4. juni...

Debatt: Lærarar som ikkje kan skrive nynorsk

Mange norsklærarar seier sjølve at dei ikkje er godt nok rusta til å undervise i nynorsk som sidemål. Det er djupt alvorleg. Universitet og...

Krev Google-handling frå regjeringa

Mållaget, Nynorsksenteret og LNK stilte tydelege krav då dei møtte statssekretær i Kulturdepartementet denne veka.  – Me veit at fleire skular har google-maskiner og bruker...