Heim Nyhende Sp svarar om språk

Sp svarar om språk

Liv Signe Navarsete og Senterpartiet ønskjer sidemålet inn på eit tidlegare tidspunkt enn i dag.

Kva vil partiet ditt gjere med nynorsken? Senterpartiet vil styrkje nynorsken. Me vil la alle skuleelevar møte både nynorsk og bokmål og dei norske minoritetsspråka tidleg i barneskulen, og i ei moderne form, for å førebyggje fordommar og vise til dømes nynorsk og samisk som moderne bruksspråk.
Me vil innføre stipendordningar for omsetjarar som vel å bruke nynorsk som målform, gje stønad til utvikling av nynorsk digitalt leksikon/kunnskapsbase, arbeide for auka bruk av nynorsk i riksdekkjande medium, handheve konsesjonskrava til allmennkringkastarane strengare på dei språklege områda og gje stønad til teksting av DVD?filmar på nynorsk og samisk.

Kva er partiet ditt si haldning til sidemål?
Senterpartiet meiner opplæringa i norsk skal ta sikte på å utvikle elevane sine praktiske ferdigheiter i båe målformer. Me vil derfor framleis ha opplæring, karakterar og eksamen i sidemål. Opplæringa kan betrast ved å ta sidemålet i bruk òg i andre fag enn norsk. Sidemålet skal òg kome tidligare inn i undervisninga enn i dag.

Vil partiet ditt styrkje nynorskopplæringa for innvandrarar?
Ja, nynorskopplæring er ein viktig del av språkopplæringa for innvandrarar.

Kva meiner partiet ditt må gjerast for at skulebøker skal liggje føre på båe målformer til same tid og til same pris? Dette ligg som ein føresetnad allereie i dag. Me legg til grunn at skuleeigar, forlag og distributørar tek det ansvaret som kviler på dei i høve å få fram læremiddel til same tid og same pris. Ved brot på dette må me eventuelt vurdere sanksjonar.

Finst programmet til partiet ditt på nynorsk? Senterpartiet har eine halvdelen av programmet vårt på nynorsk og den andre halvdelen på bokmål. Alle skal kunne beherske begge målformer, og me ser dette som ein praktisk og god måte å presentere programmet vårt på.

Har partiet ditt valmateriell på nynorsk? Ja, Senterpartiet ser det som sjølvsagt at me skal ha valmateriell på båe målformer.

Er nettsida dykkar på nynorsk?
Det finst artiklar på både nynorsk og bokmål på våre nettsider. Mellom anna er stort sett alt eg skriv, på nynorsk.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Nynorsk teaterjubel i raudgrøn budsjettsemje

– Alle som er glade i nynorsk scenekunst, kan sende ein varm tanke og ei hjarteleg takk til Audun Lysbakken og SV. Det seier leiar...

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...