Heim Nyhende Senterpartiet yppar til helseduell

Senterpartiet yppar til helseduell

Planane til regjeringa for sjukehusa er dårleg nytt for folk i distrikta, meiner Sp-leiar Trygve Slagsvold Vedum. 

 

– Sentraliseringspolitikken til Høie svekkjer den lokale beredskapen. Helsa til folk er like viktig uavhengig av kvar du bur, seier Vedum til NTB.

Helseministeren skal seinare i haust legge fram ein nasjonal helse- og sjukehusplan, men torsdag kom Senterpartiet han i forkjøpet. Partiet avviser alle dei tre utviklingsmodellane Høie har foreslått for sjukehusa og lanserer i staden ein fjerde modell.

– Vår nettverksmodell byggjer på samarbeid mellom sjukehus, ikkje konkurranse, seier helsepolitisk talskvinne Kjersti Toppe.

LES OGSÅ: Overleving varierer mellom sjukehusa

Lokalsjukehusa
Eitt av alternativa til Høie er å fortsette med strukturen vi har i dag og halde oppe akuttkirurgien ved dei minste sjukehusa i «nokre år til». Men det er ikkje godt nok for Senterpartiet.

– Det er ikkje eit livskraftig alternativ, heiter det i Sp-planen, som skildrar lokalsjukehusa som eiker i eit hjul der regionsjukehuset er navet.

Ein føresetnad for Sps «nettverksmodell» er at lokalsjukehusa blir sikra breiddekompetanse innan akuttkirurgi, akuttmedisin, anestesi, røntgen og laboratorietenester. I tillegg skal sjukehusa ha eit fødetilbod.

– Mellom 50 og 70 prosent av alle pasientar som blir lagt inn for øyeblikkeleg hjelp, kan ferdigbehandlast på lokalsjukehusnivå. Ein stor del av pasientane har altså ikkje behov for eit høgt spesialisert tilbod, heiter det.

Sp avviser også påstandane om at det er kvalitetsforskjellar på tilbodet ved små og store sjukehus.

– Dårlege resultat, svikt i pasientbehandlinga og uheldige hendingar skjer dessverre både på små og store sjukehus, heiter det i Sp-planen.

LES OGSÅ: Helseministeren vil finna ut kva eit sjukehus er

Grense for belegg
Ein nasjonal grense for gjennomsnittsbelegg i sjukehussenger på 85 prosent, som dei har i Storbritannia, er eit konkret krav frå Senterpartiet.

– Vi har allereie sprengt kapasiteten på sjukehusa. Dersom Høie trur vi får fleire sjukehussenger ved å legge ned sjukehus bør han prøve reknestykket på ny, seier Vedum.

Ein rapport frå Helsedirektoratet viser eit gjennomsnittsbelegg på 93 prosent, langt over snittet for OECD generelt på 78 prosent.

Senterpartiet tar også til orde for ei snarleg avvikling av føretaksmodellen, noko regjeringa legg opp til at tidlegast kan skje i neste periode. Krav om nye finansieringsformer og eit klart nei til meir innkjøp frå private tilbydarar er andre delar av helseplanen til Sp. (©NPK)

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

Mållaget jublar: SV vil gjere språklova betre for nynorsken

SV har fremja ei rekkje forslag i Stortinget som vil gjere den nye språklova betre for nynorsken. – SV tar ansvar for å rydde...

Velkomen til landstinget til LNK! Sjå programmet og meld deg på her!

Statssekretær Trude Storheim (Ap) og direktør i Språkrådet Åse Wetås kjem saman med ei rekkje andre interessante innleiarar til landstinget til LNK 3.-4. juni...

Debatt: Lærarar som ikkje kan skrive nynorsk

Mange norsklærarar seier sjølve at dei ikkje er godt nok rusta til å undervise i nynorsk som sidemål. Det er djupt alvorleg. Universitet og...

Krev Google-handling frå regjeringa

Mållaget, Nynorsksenteret og LNK stilte tydelege krav då dei møtte statssekretær i Kulturdepartementet denne veka.  – Me veit at fleire skular har google-maskiner og bruker...