Felespelaren Sigrid Moldestad (38) er tildelt heidersprisen Årets folkemusikar.
I grunngjevinga heiter det at ho er ein allsidig musikar, tradisjonsberar, utøvar og slåttekomponist som på kreativt og nytenkjande vis utforskar uttrykksmoglegheitene i folkemusikken og får folkemusikken ut til nye lyttarar.
Juryen trekkjer også fram at Moldestad i den seinare tid har vist seg som ein glimrande songar.
Sigrid Moldestad er utdanna ved Ole Bull Akademiet på Voss har tidlegare vunne fleire spelemannsprisar. Tidlegare i år fekk ho også pris for god nynorsk og bruk av dialekt i musikken sin. (NPK)
