Heim Nyhende Sikrar framleis støtte til LNK

Sikrar framleis støtte til LNK

Frp, Høgre, KrF og Venstre er samde om å løyva 1,2 millionar kroner til Landssamanslutninga av nynorskkommunar i 2017.

– For meg er det viktig å bevare nynorsken og at kommunane skal ha eit godt språktilbod til innbyggjarane sine. Dette er ein del av vår kulturarv, og det er både ein emosjonell og praktisk fordel å bevare språket vårt. Folk må hugsa at dette er ein del av tilhøyrsla vår, seier Helge André Njåstad (Frp), leiar i Kommunalkomiteen.

–  Nynorsken er på offensiven. Det ser me bare på engasjementet i høyringa om Vestlandsregion. Gjennom arbeidet med kommunereforma er det eit mål at nynorsken ikkje skal koma skadelidande ut og det er difor kommunalkomiteen styrker LNK si rolle, seier Njåstad.

Han har sjølv vore ordførar i 10 år i ein medlemskommune i LNK, og kjenner godt til arbeidet til organisasjonen.

Bjørn Lødemel (H) er òg glad for at fleirtalet har klart å vidareføra støtta til LNK.

– Eg er veldig glad for at me støttar opp om nynorsken. Dette er eit viktig tiltak for nynorskkommunane.

Han får støtte frå Andre Skjelstad frå Venstre, som hadde løyving til LNK inne i partiet sitt alternative statsbudsjett:

– Eg er veldig glad for at regjeringspartia blir med på dette. Det er ingen tvil om at for Venstre bankar hjartet ekstra sterkt for nynorsken, seier Andre N. Skjelstad.

– Letta og glade

Dagleg leiar i LNK, Vidar Høviskeland (bildet), er glad for at støtta er sikra.

– Komiteen understrekar det viktige arbeidet Landssamanslutninga av nynorskkommunar gjer for å sikra nynorsk som eit jamstilt og fullgodt bruksspråk innafor alle delar av det offentlege.  I tillegg til arbeidet med å styrkja samhaldet mellom nynorskkommunane gjennom aktiv satsing på nettkommunikasjon og faglege samlingar, har LNK ei særleg oppgåve med å syta for at nynorsk språk ikkje vert skadelidande som følgje av kommunereforma, seier han.

Kutt i statsstøtta ville gått ut over populære nynorske tilbod til barn og unge som Framtida.no, Magasinett og Pirion – i tillegg til språkkurs og anna nynorskarbeid retta mot dei 123 medlemene i organisasjonen. Av desse er 103 kommunar og fire fylkeskommunar.

Landssamanslutninga av nynorskkommunar mista den faste støtta frå Kulturdepartementet frå 2015. Sidan då har Kommunalkomiteen redda LNK gjennom ekstra prosjekttilskot. I budsjettforliket 3. desember blei regjeringspartia samde om å løyva 300.000 frå Kulturdepartementet, 1,2 millionar kroner mindre enn LNK søkte om.

– Løyvinga frå Kommunalkomiteen gjer at me no er oppe i den summen me søkte om. No er me letta og glade. Løyvinga hjelper oss i å gjera jobben vår for å fremja nynorsk språk og kultur i offentleg verksemd, avsluttar Vidar Høviskeland.

 

For ytterlegare kommentarar:

ring Vidar Høviskeland, mobil 905 06 617

 

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Nynorsk rettskriving

Færre elevar har nynorsk som hovudmål

No har ein av ni elevar nynorsk som opplæringsmålform. Leiar ved Nynorsksenteret er ikkje overraska, men ser det òg i samanheng. 11,4 prosent av norske...

Nynorskkommunane støttar økonomisk likestilling for Det Norske Teatret

Styret i Nynorskkommunane – LNK stiller seg bak Tett gapet – aksjonen for å auka tilskotet til Det Norske Teatret. Nynorskteateret i hovudstaden manglar 30...
Språkrådet og språkdirektør Åse Wetås meiner den nye læreplanen kan svekkje den samla norskkompetansen til elevane. Foto: Moment Studio/Språkrådet

Undersøking: Nynorsken står svakt i lærarutdanninga

I ei undersøking går det fram at mange lærarstudentar kan fullføre studiet utan å bli vurderte i nynorsk. Over 70.000 elevar her i landet...

BankID også på nynorsk

I 20 år har BankID vore tilgjengeleg på bokmål og engelsk. No er nynorsk eit alternativ for dei som ønskjer det. Nyheita om at BankID...