– Me må bli flinkare til å skrive og snakke på eit språk folk flest forstår, seier miljø- og utviklingsminister Erik Solheim (SV).
Solheim er lei av vanskelig språk i staten og legg vekt på at pressemeldingar og nyhende om bistand og utvikling no skal bli lettare å lese.
– Eg er sikker på at det vil føre til ein meir folkeleg debatt om norsk politikk for utvikling, noko me treng, seier Solheim i ei pressemelding.
Solheim vil med dette kvitte seg med fagspråk og forkortingar som berre fagfolk veit kva betyr. No er det berre forkortingane EU, FN, Nato og USA som blir godtatt.
– Det er feil at ein ikkje blir tatt på alvor viss ein brukar eit enkelt språk. Viss du strør om deg med ord som bilateralt, kondensere, addisjonalitet og paradoksenes parallellogram, er det få som vil høyre på kva du har å seie, seier Solheim i ei pressemelding frå departementet.
Departementet vil no teste om tekstane er forståelege og lesbare før dei blir sende ut, dette skal blant anna gjerast ved hjelp av kalkulatoren Liks.
