Ungdom skriv langt meir dialekt enn engelsk når dei skriv tekstmeldingar, viser kartlegging.
I undersøkinga som vart gjennomført blant 321 born og unge i Trondheim kom det fram at heile 57 prosent av dei spurde brukte dialekt når dei skreiv SMS, skriv lokalavisa Fjuken.
65 prosent av dei spurde varierer også SMS-språket sitt i forhold til mottakar. Kartlegginga viser også at jenger leikar meir med språket enn gutar, 82 prosent av jentene brukar forkortingar, medan berre 57 prosent av gutane gjer det same.
Berit Skog ved NTNU, meiner dei unge alltid vil vere toneangivande for utviklinga av SMS-språket.
– Forkortingar, teikn og koder er i konstant endring, og vil alltid vere spesifikt for dei unges SMS-språk. Det vaksne språket vil anta andre uttrykksformer sjølv om vi ser at også dei som er eldre tek i bruk godt innarbeidde forkortingar og smilefjes, seier Skog til Fjuken.
