Heim Nyhende Meir nynorsk i bokmålsskule

Meir nynorsk i bokmålsskule

På Bardufoss ungdomsskole i Troms får elevane stadig meir nynorsk i undervisninga.

Dette skuleåret har ungdommane i 10. trinn hatt RLE-undervisning med bøker på nynorsk, og inspektør Berit Gillebo seier tilbakemeldingane er så gode at dei no vil utvide tilbodet enno meir til neste skuleår.

– Til hausten satsar vi på å ha RLE-bøker på nynorsk i alle tre trinna. I tillegg reknar vi med å bruke nynorske samfunnsfagbøker i ein av disiplinane, forklarar Gillebo.

Ho fortel at lærarane som har hatt RLE, det vil seie Religion, etikk og livssyn, i 10. klasse i år har vore positive til forsøket. Kanskje ikkje så unaturleg, seier ho, sidan det ofte er norsklærarane som har dette faget, og dermed kanskje er dei med best kjennskap til nynorsk frå før.

– Men vi trudde vi skulle få nokre negative reaksjonar frå ungdommane og foreldra.

Det har skulen ikkje fått, og no ser Gillebo fram til å utvide nynorsktilbodet til elevane ytterlegare.

Satsinga i år har vore finansiert av Nasjonalt senter for nynorsk i opplæringa. Dei har løyvd utviklingsmidlar til skulen, og no vil skulen søke om vidareføring og utviding av prosjektet til neste år.

Ein av årsakane til at skulen no satsar meir på nynorsk, er mellom anna dårlege eksamensresultat i faget dei siste åra, forklarar Berit Gillebo.

– Det ville vi hjelpe elevane å rette på. Nynorskkarakteren tel like mykje som mattekarakteren, minner inspektøren om.

 

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Stillingsutlysing: Vil du få til meir MÅL på Jæren?

Stillingsutlysing: Er du glad i målet ditt, nynorsk og vil få fleire til å gleda seg over dialekta si og nynorsken? Er du i tillegg...

Velkommen til landstinget til LNK! Meld deg på her!

Kulturminister Lubna Jaffery (Ap) og kommunal- og distriktsminister Erling Sande (Sp) kjem saman med ei rekkje andre innleiarar til landstinget til LNK 3.-4. juni...

Digitalt nynorskseminar for folkevalde i kommunane

Alt du treng å vita om nynorsk i kommunepolitikken på 45 minutt!  Kva kan du som kommunestyrerepresentant gjere for nynorsken i kommunen din? Me inviterer...

Mållaget etterlyser betre nynorskpolitikk i partiprogramma

– Dei fleste partia bør få betre nynorskpolitikk før dei går inn i valkampen. Det seier leiar i Noregs Mållag, Peder Lofnes Hauge. Han har...