Heim Nyhende – Slutt med post på laurdagar

– Slutt med post på laurdagar

Regjeringa vil avvikle postomdeling på laurdag.

 

Regjeringa foreslår å avvikle omdelinga av post på laurdagar. Samtidig skal Posten sikre laurdagsdistribusjon av aviser.

– På laurdagar blir det delt ut 75 prosent mindre post enn på dei andre fem vekedagane, seier samferdselsminister Ketil Solvik-Olsen (Frp).

– Med så små volum og så store faste kostnader, er det naturleg å gå bort frå postomdeling på laurdagar, legg han til.

Sikrar laurdagsaviser

Forslaget til ny postlov vart sendt ut på høyring i fjor haust, og fredag vart det lagt fram i statsråd.

Solvik-Olsen viser til at kjøpet av posttenester frå Posten Noreg blir redusert med rundt 400 millionar kroner dersom laurdagsomdelinga blir avvikla.

Samtidig vil regjeringa sikre distribusjon av aviser seks dagar i veka.

– Vi har stor respekt for at laurdagsavisene er ferskvare og vil sikre at Posten står for laurdagsdistribusjon av aviser på stader der det ikkje er eigne avisbod, seier statsråden.

Fri konkurranse

Samtidig inneber forslaget til ny postlov at EUs tredje postdirektiv blir innført.

Det inneber fri konkurranse på levering av alle brev og pakker. I dag er det fri konkurranse for pakker og brev over 50 gram, medan Posten Noreg har einerett på å levere brev med vekt inntil 50 gram.

– Konkurranse er sunt. Posten Noreg har vist seg svært konkurransedyktig på den opne marknaden, seier Solvik-Olsen.

Han viser til at digitalisering snarare enn konkurranse frå andre selskap er den største utfordringane for Posten Noreg.

– Folk flest, næringsliv, kommunar og staten sender stadig færre brev, seier samferdselsministeren. 

I forslaget til ny postlov tar regjeringa også til orde for å etablere eit klageorgan, kor forbrukarar og småbedrifter kan klage på posttenester. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Den nye opplæringslova er ikkje god nok for nynorskelevane

Fredag 24. mars 2023 la Tonje Brenna fram forslag til ny opplæringslov. Norsk Målungdom synest det er fleire gode framlegg for nynorskelevane, men at...

Målblome til ålesundordførar Eva Vinje Aurdal

– Norske kommunar er viktige språkaktørar, og mellom 356 nyansar av kommunegrått har språket vårt både bøller og bestevener. Midt i det grå står...

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...