Heim Nyhende Fem nye forfattarar i Aasen-tunet

Fem nye forfattarar i Aasen-tunet

Brit Bildøen har fått æra av å verte stilt ut i Forfattarrommet, og er ein av forfattarane som gjestar Dei nynorske festspela i sommar.

Totalt 45 forfattarar har til no fått æra av å vere utstilte i Forfattarrommet på Ivar Aasen-tunet i Ørsta. Gjennom tekst, bilete, gjenstandar, bøker og avisutklipp vert publikum betre kjend med personane bak orda.

LES OGSÅ: Gunnhild Øyehaug er årets festspeldiktar

Gamle og nye andlet
Til ei kvar tid er det totalt ni forfattarar som blir presenterte i rommet. Akkurat no kan publikum òg læra meir om vossahumorist Linda Eide, samfunnsskribent Agnes Ravatn, den folkekjære tv-skaparen Oddgeir Bruaset og spenningseksperten Lars Mæhle.

I likheit med Agnes Ravatn, vart Brit Bildøen nyleg tildelt P2-lyttarane sin romanpris for sisteboka «Sju dagar i august».

Bildøen var festspeldiktar i 2001 og vitjar Dei nynorske festspela igjen saman med forfattarane Lars Amund Vaage, Bjørn Sortland, Kristina Leganger Iversen – og sjølvsagt årets festspeldiktar Gunnhild Øyehaug.

Brageprisvinnar Ruth Lillegraven er òg kome med i det gode selskap.

Mottakar av Nynorsk litteraturpris for 2015, Lars Petter Sveen, er eit anna nytt tilskot til utstillinga. Forfattaren som har hausta strålande kritikkar for tredjeboka «Guds barn» har tidlegare vore festspelforfattar under Dei nynorske festspela ved Aasen-tunet.

LES OGSÅ: Den nye, gamle historia

Hanssen og Moddi
Av eldre forfattarskap finn me den nordnorske forfattaren og journalisten Arvid Hanssen (1932-1998).

Hanssen vart råka av polio då han var seksten år gammal, og var ein talsmann for dei veike og sjuke i samfunnet.

Den nordnorske naturen og levemåten har òg vore viktig i forfattarskapen til senjaværingen.

I 2013 fekk dikta «Blå kveill» og «Grønt lauv i snyen» nytt liv då artisten Moddi tolka desse og vann Spellemannspris for innsatsen. 

LES OGSÅ: Forfattarane løftar blikket

Heidrar Jan Roar Leikvoll
Sist men ikkje minst vil Aasen-tunet heidra Jan Roar Leikvoll som gjekk bort i 2014.

– Familien hans har vore sjenerøse og lånt oss gjenstandar til utstillinga, seier dokumentasjonsleiar Anders Aanes i Ivar Aasen-tunet.

Leikvoll hausta gode kritikkar og mange prisar for dei fire bøkene han gav ut i perioden  2008 til 2013.

NYNORSK INSPIRASJON

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

Voss herad er Årets nynorskkommune: – Det same som verdsmeister i nynorsk

Kulturdepartementet heidrar Voss herad for klar og tydeleg informasjon på nynorsk under koronakrisa. – OL-og VM-medaljer har me i bøtter...

MEST LESE

Språksjov-Linda vedgår: – Mange vil gjerne inn i skåpet mitt

Dette er det andre intervjuet i årets sommarserie. Mykje moro og mange bilete av den fargerike vossingen og sjefen for den populære...

Guri Vesaas får Storegutprisen under Litteraturdagane 2022

På Litteraturdagane i Vinje blir tidlegare redaktør i Det Norske Samlaget, Guri Vesaas, heidra med Storegutprisen. Ho får prisen spesielt for den...

Rekordtal for nynorskinnhald i Store norske leksikon

I over 100 år var Store norske leksikon (SNL) nesten berre på bokmål. Men etter at SNL og Nynorsk kultursentrum gjekk saman...

Miljøstøtte frå Vestland til Framtida Junior

Framtida Junior vil laga til miljøjournalistkurs for barn og unge fleire stader i Vestland no i haust, og gje ut ei miljøutgåve...