Innan 2015 skal det vere slutt på papirveldet, då skal alle statlege søknader, skjema og rapportar vere tilgjengelege digitalt.
– Innbyggjarane forventar i dag digitale sjølvbeteningsløysningar. Dei betalar rekningar, tingar flyreiser og varar på nettet. Staten skal tilby tenestene sine på den måten brukarane forventar det, og det er digitalt, seier fornyingsminister Rigmor Aasrud i ei pressemelding.
Dette er ein del av digitaliseringsprogrammet regjeringa har sett i gang, kor målet er at at innbyggjarane og næringslivet slepp å bruke papirpost og heller kommuniserer digitalt med forvaltninga.
Programmet slår fast at alle statlege tenester skal vere tilgjengelege digitalt innan første halvår av 2015. Unntak for kravet er tenester som har under 3000 innsendingar av skjema årleg, og tenester der digitalisering ikkje er gagnleg verken for brukaren eller forvaltninga.
