Talet på mobile breibandsabonnentar vil truleg passere 500.000 ved årsskiftet.
Over halvparten av dei er privatkundar, opplyser Post- og teletilsynet (PT).
Delanalysen «Det norske ekommarkedet 1. halvår 2009», som PT la fram torsdag, viser at det er bedriftskundane som genererer mest omsetning. Men det er privatkundane som brukar tenestene mest, og det er ifølgje PT i privatmarknaden at veksten skjer. Vel 80 prosent av datatrafikken går over privatabonnementa, medan berre 47 prosent av omsetninga skriv seg frå denne gruppa.
Marknaden er prega av relativt få aktørar, og seks av ti er kundar hos Telenor. (©NPK)
