Heim Nyhende Søkjer etter journalistar

Søkjer etter journalistar

Det nystarta Nynorsk Avissenter i Førde lyser no ut etter sitt første kull med avisjournalistar. Søknadsfristen er i april.

Nynorsk Avissenter vart etablert ved årsskiftet og har som føremål å hjelpe nynorskavisene med rekruttering av journalistar samt å utvikle den digitale lokalavisa. Senteret opnar formelt i august.

-Rundt i landet finst det 59 lokalaviser som har nynorsk som standardspråk. Dei held nynorsken i hevd som eit levande bruksspråk. Ingen produserer så mykje nynorsk tekst som avisene. Derfor er det overmåte viktig for språkutviklinga at desse avisene taklar overgangen til den digitale tidsalderen på ein god måte, seier Arve Sandal som er dagleg leiar for Nynorsk Avissenter.

Sandal trur senteret med den største nynorskavisa i ryggen kan bli eit godt handslag for avisene i denne prosessen.

Også NRK Nynorsk mediesenter, som har utdanna nynorskjournalistar til radio og tv sidan 2004, kjem med eit nytt kull med studentar i vår. Med deira ni og studentane som kjem inn i Nynorsk Avissenter i haust blir det då klekka ut 18 nye nynorskjournalistar i året.

Magni Øvrebotten, leiar av NRK Nynorsk mediesenter, meiner styrken med opplegget deira er at elevane får ekte, praktisk trening i redaksjonen ved å lage innslag og reportasjar som skal på lufta.

-Dette er ei bratt, men effektiv lærekurve som har vist seg å fungere godt. Dei fleste går rett inn i vaktplanar i redaksjonane etter seks månadars opplæring. Vi legg stor vekt på å gje praktikantane språkleg ballast med på vegen. Etter nokre månadar i Førde og Sogn og Fjordane, der dei fleste brukar nynorsk, blir dei både meir medvitne og stoltare av språket sitt, seier Magni Øvrebotten.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Undersøking: Journalistar med nynorskkompetanse er mangelvare

I ei undersøking om «Nynorsk i avisene» kjem det fram at aviser som bruker begge skriftspråk er positive til meir nynorsk. Samtidig har redaktørane...

Norsk Målungdom har valt ny leiar

Sebastian Vinsent Natvik frå Alver kommune i Vestland er valt som ny leiar for Målungdommen. – Eg er veldig takksam for tilliten til landsmøtet, og...

Harselerer og hyller nynorsken i ny musikal

Are Kalvø og Ingrid Bjørnov har laga musikal inspirert av nynorsk (spynorsk) (m)ordliste og Ivar Aasen. 13. april har det satiriske stykket premiere på...

Norsk Barneblad – i takt med tida sidan 1887 – og truleg eldst i verda

Norsk Barneblad er truleg det eldste eksisterande bladet i verda for barn. Det har kome ut utan stans sidan 1887 og lever i beste...