Tidsskriftet Syn og Segn er på leit etter ny redaktør.
Syn og Segn er eit allmenntidsskrift på nynorsk som kjem ut fire gonger i året i eit opplag på 3000. Syn og Segn blir gitt ut av Det Norske Samlaget, eit av dei leiande norske forlaga.
I eit åremål på fire år søkjer Syn og Segn no etter redaktør med ansvar frå og med nummer 3 i 2013-årgangen. I dag er Bente Riise redaktør i tidsskriftet.
Syn og Segn er eit av dei sentrale kulturtidsskrifta i Noreg. Tidsskriftet skal fange opp og formidle tendensar innan kultur- og samfunnsliv, og ta opp både nasjonale og internasjonale spørsmål. Syn og Segn har ei klar forankring i det nynorske skriftspråket, og vender seg til ei brei lesargruppe, heiter det på nettsidene til tidsskriftet.
