Heim Nyhende Solid medlemstal i Mållaget

Solid medlemstal i Mållaget

Noregs Mållag har 12.164 betalande medlemer i 2013, berre ein svak tilbakegang frå rekordåret 2012.

I 2012 vart det verva og mobilisert over 2000 nye medlemer til Mållaget. No har Mållaget 92 færre betalande medlemer i 2013 enn året før.

– Vi har budd oss på at 2012 ville vere eit heilt spesielt mobiliseringsår for Mållaget. Og eg lyt seie at vi er gledeleg overraska over at medlemstalet held seg så godt. Det er vi veldig stolte over, fortel Gro Morken Endresen, dagleg leiar i Noregs Mållag i ei pressemelding.

Ho fortel at svært mange av dei som vart verva i 2012, held fram å betale medlemskapen i 2013.

– Dette er veldig kjekt. Det gjev oss både sterkare økonomiske musklar og større politisk tyngd, peikar Gro Morken Endresen på.

Størst auke på Sunnmøre
Fylkesmållaget Sunnmøre Mållag leverer eit veldig solid medlemstalresultat for 2013. Dei har ein framgang på 48 medlemer. Og dette gjev dei eit medlemstal på heile 865 betalande medlemer. Siste åra har Sunnmøre Mållag fått to nye lokallag og oppattskipa to andre lag. Så dette fylkesmållaget har både greidd å drive lagsbygging og medlemsverving. Sunnmøre Mållag har verkeleg løfta seg siste åra. Laget har i dag nesten 300 fleire betalande medlemer enn for ti år sidan.

– Noko av det mest gledelege i året som gjekk, var at det vart skipa nytt lag i Sande kommune, og at laget allereie er godt i sving, fortel Terje Kjøde, leiar i Sunnmøre Mållag.

God auke i Austmannalaget
Også Austmannalaget opplever medlemsauke. Dei har 532 medlemer og det er 22 fleire medlemer enn året før. Dei har om lag 130 fleire medlemer i år, enn for ti år sidan. Austmannalaget har fått skipa oppatt to nye lag siste åra, og det er med å sikrar medlemsveksten.

– Det er mykje flott og spennande aktivitet i lokallaga våre, og det er svært inspirerande, seier Helen Johannessen, leiar i Austmannalaget.

Andre lag med plusstal
Det andre fylkesmållaga som har hatt medlemsvekst siste året, er Østfold Mållag, Valdres Mållag, Fylkesmållaget Vikværingen og Aust-Agder Mållag. Fyrstnemnde auka med 18 medlemer og har 125 medlemer, Valdres Mållag har 242 medlemer og auka med 16 medlemer, Fylkesmållaget Vikværingen har 1342 medlemer og auka med 10 medlemer og Aust-Agder Mållag har 334 medlemer og auka med 4 medlemer siste året.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...
Vidaregåande skule

Føreslår å fastsetja hovudmål på vidaregåande skular

I forslaget til ny opplæringslov føreslår regjeringa fleire større og mindre endringar til språk på skulane. Departementet føreslår blant anna: å vidareføra at kommunen skal...

Frieriet i Todalen – kva skjer med Vangsgutane no?

Vi har intervjua tekstforfattar Kjartan Helleve om dei siste hendingane rundt teikneseriefigurane Vangsgutane, som kom fram i siste utgåva om dei ved juletider. Faste...