Heim Nyhende Solrun Toft Iversen ny teatersjef ved Hordaland Teater

Solrun Toft Iversen ny teatersjef ved Hordaland Teater

Tidlegare sjefsdramaturg ved Den Nationale Scene i Bergen Solrun Toft Iversen (45) er tilsett som ny teatersjef ved Hordaland Teater.

Ho tek over etter Terje Lyngstad som gjekk av i protest i august etter ein leiarstrid ved teateret.

– Eg ser med stor glede fram mot å leia Hordaland Teater. Teateret står framfor ei spennande og avgjerande fase med flyttinga til Logen i Bergen sentrum. Arbeidet med å utvikla ei tydeleg norsk scene på Vestlandet er ei oppgåve eg vil ta fatt på med takksemd, ambisjon og i samarbeid med gode krefter, seier den nytilsette teatersjefen i ei pressemelding. 

Toft Iversen har det siste året vore konstituert teatersjef ved Sogn og Fjordane teater. Ifølgje Bergens Tidende blei ho beden av styret for Hordaland Teater om å søkja på den ledige stillinga som teatersjef i Hordaland. Det skal i tillegg ha vore 16 andre søkjarar. Mellom dei Arvid Ones som har vore teatersjef ved Hordaland teater tidlegare. 

Styreleiar Pål W. Lorentzen er særs nøgd med at Solrun Toft Iversen har takka ja til stillinga. 

– Med Solrun får vi ein erfaren teaterleiar som kan vidareutvikla Hordaland Teater som ein av dei viktigaste kulturformidlarane i regionen vår, seier han. 

Han peikar på at den nytilsette teatersjefen har solid teatererfaring og har eit stort nettverk av fagpersonar innan scenekunsten. 

– Saman med den inngåande kjennskapen hennar til teaterverksemd på Vestlandet, gjev dette henne dei beste føresetnadene for å løfta fram ei nynorsk scene i regionen, seier Lorentzen. 

Stillinga er ei åremålsstilling frå våren 2017 til våren 2021.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Nynorsk rettskriving

Færre elevar har nynorsk som hovudmål

No har ein av ni elevar nynorsk som opplæringsmålform. Leiar ved Nynorsksenteret er ikkje overraska, men ser det òg i samanheng. 11,4 prosent av norske...

Nynorskkommunane støttar økonomisk likestilling for Det Norske Teatret

Styret i Nynorskkommunane – LNK stiller seg bak Tett gapet – aksjonen for å auka tilskotet til Det Norske Teatret. Nynorskteateret i hovudstaden manglar 30...
Språkrådet og språkdirektør Åse Wetås meiner den nye læreplanen kan svekkje den samla norskkompetansen til elevane. Foto: Moment Studio/Språkrådet

Undersøking: Nynorsken står svakt i lærarutdanninga

I ei undersøking går det fram at mange lærarstudentar kan fullføre studiet utan å bli vurderte i nynorsk. Over 70.000 elevar her i landet...

BankID også på nynorsk

I 20 år har BankID vore tilgjengeleg på bokmål og engelsk. No er nynorsk eit alternativ for dei som ønskjer det. Nyheita om at BankID...