Heim Nyhende – Ta sjansen! Flytt til bygda!

– Ta sjansen! Flytt til bygda!

Lea Skaten (25) flytta til Tysnes i mai, og oppmodar andre unge til å ta sjansen på å byta ut byliv med bygdeliv.

Ho er oppvaksen i Oslo, og flytta frå Bergen til Tysnes saman med mann og to ungar før sommaren. Måndag var ho på Sunnhordlandstreffet på Stord for å fortelja korleis det er å flytta til Tysnes for ei byjente som ho.

– Det er så fantastisk å bu her. Det er trygt å sleppa ungane, og veldig behageleg. Eg merkar ein heilt annan ro her, seier ho.

Kort veg til alt

Familien på fire har busett seg på Onarheim, og har nett kjøpt seg tomt i byggjefeltet Henningshagen.

Jenta deira på fire og guten på eitt og eit halvt år går i barnehage på Onarheim, og elskar å bu på Tysnes.

– Me ville flytta før ungane skulle byrja på skulen, fortel Lea Skaten.

Ho jobbar som booking- og marknadsansvarleg for Haaheim Gaard, i tillegg til å vera instruktør på Svingen Puls.

– Det er behageleg å bruka 20-25 minuttar til jobb, og på Onarheim har me alt me treng.

Tidlegare jobba ho som kundebehandlar hos Bama i Bergen, og det gjekk ofte lang tid å køyra til jobb og barnehage.

Forelska i staden

Lea Skaten fortel at ho var metta av bylivet då dei flytta frå Bergen.

– Me hadde alltid sett for oss at me ville flytta tilbake til Tysnes. Eg blei veldig forelska i staden. For meg er det veldig fint å ha så lett tilgang til fjellet og naturen. Det er balsam for sjela, fortel ho.

Mannen hennar, Fredrik Skaten, møtte ho då dei begge var til førstegongsteneste i Bardufoss. Han fekk seg jobb som båtmekanikar hos LOS Fjord i Elsåkervågen då dei flytta.

Billegare å bu

– Hopp i det. Ta sjansen! er oppmodinga frå Lea Skaten til andre unge som vurderer å flytta frå byen til Tysnes.

Om ein skulle sakna bylivet, så er det ikkje langt til Stord eller Bergen, påpeikar ho.

– Ein må kanskje gå ned litt i løn, men det er billegare å bu her, og ein slepp kjøpepresset og måtta betala for alle aktivitetane ein er med på. Eg har ikkje angra eit sekund på at me flytta!

PÅ TYSNES-STAND: Iselin Bakkane frå Stord vitja standen til Tysnes kommune. Her i samtale med Lea Skaten.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...

Unikt Aasen-materiale publisert på nett

Boksamlinga etter Ivar Aasen inneheld omlag 2 500 bøker. I januar i år tok Nynorsk kultursentrum til på arbeidet med å gå gjennom alle...