Heim Nyhende Sommarsnakk med Trine L. Hjellhaug

Sommarsnakk med Trine L. Hjellhaug

Trine Lerum Hjellhaug (35) meiner ein vil sjå meir nynorsk reklame framover.

Namn: Trine Lerum Hjellhaug 

Alder: 35 år 

Yrke: Adm. direktør i Lerum

Skal bruke sommaren til:
Å vere saman med familien min. På programmet står mellom anna eit besøk hjå Kaptein Sabeltann…

Kvifor vel Lerum å marknadsføre seg på nynorsk?
Lerum marknadsførar seg på nynorsk fordi det er det målføret vi snakkar, og det er naturleg for oss. Det har med identitet å gjere. Vi kjem frå saftbygda Sogndal, og det er vi stolte av. Dessutan er nynorsk eit flott språk å marknadsføre seg på. Det er eit språk med mangfald og gode uttrykk.

Får bedrifta nokre spesielle utfordringar med å marknadsføre seg / profilere seg på nynorsk?
Dei største utfordringane våre er at reklamebyråa våre ikkje har nynorsk som hovudspråk. Vi vert saumfarde av nynorsktilhengarar, og må heile tida lese nøye korrektur. Vi brukar mykje tid på dette. Likevel kan det fort snike seg inn ein feil eller to…

Kva må til for at fleire bedrifter skal bruke nynorsk, i staden for bokmål eller engelsk?
Det ser ut til at fleire bedrifter brukar nynorsk no, og vi meiner Lerum har bidrege til det. Vi har ufarleggjort nynorsken, og torer å bruke den fullt ut. For våre kundar betyr det mykje, vi står for den vi er, og det skapar tryggleik.

Kva trur du om framtida til nynorsken?
Eg trur nynorsken vil overleva. Vi vil sjå meir nynorsk i reklame framover, og eg trur den vil bli meir “in”. Vi må gjera nynorsk ungdommeleg og lett forståeleg, det er den på veg til å verta no. Eg har stor tru på nynorsken, flottare språk skal ein leita lenge etter!

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Nynorsk teaterjubel i raudgrøn budsjettsemje

– Alle som er glade i nynorsk scenekunst, kan sende ein varm tanke og ei hjarteleg takk til Audun Lysbakken og SV. Det seier leiar...

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...