Heim Nyhende Sp meiner Mæland struper Innovasjon Noreg

Sp meiner Mæland struper Innovasjon Noreg

Næringsminister Monica Mæland (H) undervurderer kor viktig lokal forankring er for Innovasjon Noreg, meiner Senterpartiet.

 

Mæland sende fredag ut på høyring eit lovforslag som gir Innovasjon Noreg frie taumar til å kutte ut lokalkontor og regionale styre. Næringsministeren opnar også for at fylkeskommunane kan miste eigarskapet i selskapet.

– Det vil vi åtvare mot. Eit heileigd statleg selskap vil vere å gå i feil retning. Ein del av suksessen til Innovasjon Noreg ligg nettopp i lokal nærvær. Det er lokal tilknyting som har gjort det til eit godt reiskap for nyskaping, seier Senterpartiets Geir Pollestad, leiar av Stortingets næringskomité, til NTB.

Ikkje sentralisering

Pollestad skuldar regjeringa for å legge til rette for meir sentralisering, noko Mæland avviser på det mest bestemte.

– Dette er ikkje eit forsøk på sentralisering. Innovasjon Noreg er og skal vere i heile landet, men må få fridom til å innrette seg slik selskapet meiner er best. I dag blir det veldig detaljstyrt av lovverket, seier ho til NTB.

I dag krev lova at selskapet skal ha 15 regionale styre. Mæland vil fjerne dette kravet og la styret sjølv bestemme korleis Innovasjon Noreg best kan organiserast. Det kan innebere færre, meir spesialiserte styre.

– Det å gjere ulike regionar til ekspertar på ulike tema, i staden for at alle skal kunne det same og gjere det same, er ei moglegheit, forklarar Mæland.

– Innovasjon Noreg har utvikla seg gjennom ti år. Selskapet gjer veldig mykje bra, men har ein organisasjon med 20 eigarar, 42 ulike oppdragsgjevarar, 15 regionale styre og eitt hovudstyre, fortset ho.

Opnar for færre eigarar

I dag er Innovasjon Noreg eigd av staten og dei 19 fylkeskommunane. Mæland ber no om innspel til om ordninga bør vidareførast, eller om ein heller bør ha staten eller staten og to fylkeskommunar som einaste eigarar.

– Det ligg i sakas natur at vi inviterer styret til å få meir handlingsrom og ein meir effektiv organisasjon, seier Mæland.

Høyringsinstansane, som inkluderer fylkeskommunane, Innovasjon Noreg og relevante fagforeiningar, har frist til 19. desember med å komme med innspel til lovforslaget.

– Så må vi lese dei innspela vi får. Eg trur vi får ein spennande og nødvendig debatt med mange ulike synspunkt, seier statsråden.

Næringsdepartementet eig 51 prosent og fylkeskommunane 49 prosent av Innovasjon Noreg. Føremålet til selskapet er å bidra til etablering av nye bedrifter og sikre at dei har gode føresetnader for å overleve i marknaden. (©NPK)

NYNORSK INSPIRASJON

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

Voss herad er Årets nynorskkommune: – Det same som verdsmeister i nynorsk

Kulturdepartementet heidrar Voss herad for klar og tydeleg informasjon på nynorsk under koronakrisa. – OL-og VM-medaljer har me i bøtter...

MEST LESE

Gratis boktips til nettsidene til bibliotek og skular

No kan du få siste bokmeldingar, bokomtalar og forfattarintervju frå Lesedigg.no direkte inn på nettsidene til biblioteket eller skulen din. I juni opna den nye...

125 årsjubileum for Tarjei Vesaas : – Kanskje den fremste litteraturen som er skriven i dette landet

Som tenåring gjekk Tore Renberg til lokalavisa for å kjøpe eit portrett av forfattaridolet sitt, medan kultur- og likestillingsminister Anette Trettebergstuen framleis sit med...

Språksjov-Linda vedgår: – Mange vil gjerne inn i skåpet mitt

Dette er det andre intervjuet i årets sommarserie. Mykje moro og mange bilete av den fargerike vossingen og sjefen for den populære...

Guri Vesaas får Storegutprisen under Litteraturdagane 2022

På Litteraturdagane i Vinje blir tidlegare redaktør i Det Norske Samlaget, Guri Vesaas, heidra med Storegutprisen. Ho får prisen spesielt for den...