Heim Nyhende Språkforskarar går imot språktesten til Frp

Språkforskarar går imot språktesten til Frp

Det Framstegspartiet meiner er eit rimeleg minstekrav, meiner språkforskarar ved UiO bryt med demokratiske rettar.

 

Det skriv Uniforum. I eit høyringsfråsegn går fire språkforskarar frå Senter for fleirspråklegheit saman for å visa sterk usemje i Framstegspartiet (Frp) sitt forslag om å gjera krava for statsborgarskap strengare.

LES OGSÅ: Krev at Norge tek imot fleire syrarar

Ekskluderande
– Etter oppfatninga vår er denne koplinga ikkje i samsvar med demokratiske rettar, skriv forskarane Elisabeth Lanza, Anne Golden, Else Ryen og Bente Ailin Svendsen i fråsegna som er sendt til Barne- og likestillingsdepartementet.

Dei meiner forslaget er ekskluderande, og vil gå utover dei som treng norsk statsborgarskap mest, skriv Uniforum. Det er ofte personar som har flykta frå land i krig, eller som ikkje har statsborgarskap, og derfor ikkje har gått på skulen.

For dei blir det vanskeleg å ta ein samfunnsfagprøve på norsk, meiner språkforskarane.

LES OGSÅ: Rasande på lokalavisa – trekkjer ordførarkandidatur

– Eit minstekrav
Forslaget har fått mykje kritikk frå fleire hold, men Frp sin innvandringspolitiske talsmann, Mazyar Keshvari, meiner krava som blir sett er sjølvsagte.

– At ein meistrar den kunnskapen og kan svara på norsk, tykkjer me er eit minstekrav for å bli norsk statsborgar, seier Keshvari til NRK.

På NRK sine nettsider kan du også ta testen sjølv, og sjå om du består testen for å bli norsk statsborgar.

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

– No er vi klare for Festspela!

– Vi gler oss til å ta imot gjestar i alle aldrar til ein levande og samlande festival, seier festspelsjef og konstituert arenaleiar Ida...

Fråsegn frå landstinget til LNK: – Kommunane må få dekkja kostnadene til språkdelte klassar

Landstinget til LNK kjem med klart krav til at kommunane må få dekkja dei kostnadene dei har til språkdelte klassar i ungdomsskulen. Etter den nye...

Landstinget til Nynorskkommunane: – Krev demokratisk kontroll over språket

Stavekontrollane til dei store selskapa Google, Microsoft og Apple er så dårlege at dei hindrar elevar i å læra korrekt norsk, og undergrev den...

Tale til landstinget: – Det er ikkje noko mindre enn ein skandale

Under her kan du lesa talen som statssekretær Trude Storheim i Kultur- og likestillingsdepartementet heldt på landstinget til LNK i Øygarden 3. juni. Det er...