Heim Nyhende Språkrådet krev nynorsk på enkelte flyplassar

Språkrådet krev nynorsk på enkelte flyplassar

Flyplassar i regionar der det er flest nynorskkommunar bør bruke nynorsk, meiner Språkrådet.

Språkdirektør Arnfinn Muruvik Vonen skriv i eit brev til Noregs Mållag at han ønskjer seg meir nynorsk på norske flyplassar, skriv Bergens Tidende.

– Flesland, Haugesund, Vigra ved Ålesund og Leirin flyplass ved Fagernes bør vere reine nynorskflyplassar. Sola ved Stavanger kan bruke begge målformene, meiner språkdirektøren.

Noregs Mållag har vendt seg til Språkrådet for ei vurdering av korleis målbruken blir praktisert på dei norske flyplassane der nynorsken står sterkt.

Svaret er klart: Avinor bryt sine eigne vedtekter når dei ikkje bruker nynorsk til dømes på Flesland og Karmøy.

Det heiter nemleg i den statlege flyplasseigarens vedtekter for språkbruk at prinsippa i lov om målbruk i offentleg teneste skal følgjast i kunderetta informasjon.

Her meiner språkdirektør Vonen at Avinor ikkje er i tråd med sine eigne vedtekter, som han formulerer det i brevet.

– Dersom det klare rådet frå Språkrådet får gehør, vil altså det offisielle namnet på Flesland bli «Bergen lufthamn Flesland». På same måte vil det heite «Haugesund lufthamn Karmøy» og «Ålesund lufthamn Vigra».

Sola slepp hamskiftet. Fordi flyplassen betener den sørlege delen av Rogaland, der dei fleste kommunane er språknøytrale, bør dei bruke både nynorsk og bokmål, meiner Språkrådet. (©NPK)

Førre artikkelSvar LNK
Neste artikkelNynorske barnebøker blir oversett

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...

Nynorsk litteratur der ute – og heim igjen

Korleis har litteratur på mindretalsspråket nynorsk enda opp med å vinne internasjonale prisar? Og kvar går vegen vidare? Dette er nokre av spørsmåla du kanskje...

Nynorsk og bokmål må inn i Grunnlova

Det er på høg tid å grunnlovfesta norsk som nasjonalt hovudspråk i Noreg og grunnlovfesta jamstillinga mellom bokmål og nynorsk. Den formelle likestillinga mellom bokmål...