Heim Nyhende Språkstafett med 140 stoppestader

Språkstafett med 140 stoppestader

 

Måndag morgon skal alle tilsette i kommunale bygg i Ørsta og Volda starte dagen med å syngje Millom bakkar og berg, høgt, saman og samtidig. Og slik startar språkstafetten som Noregs Mållag set i gong for å feire Ivar Aasen og nynorsk.

Nynorskstafetten er Noregs Mållag si markering av Språkåret, og planen er å besøke 140 stader fordelt på alle fylka i landet. Arrangementa i Ørsta og Volda på måndag markerer avsparket, og dagen blir fylt med mellom anna besøk i barnehage, kunnskapstevling, nedlegging av blomar på statuane av Ivar Aasen og Anders Hovden, flaggheising og fyrverkeri.

Denne første dagen er det leiar i Noregs Mållag, Håvard B. Øvregård, som får æra av å opne stafetten, men i løpet av året skal fleire få vere med. Både tilsette og tillitsvalde i mållaget, samt folk frå Målungdommen, skal skifte på å reise heile Noreg rundt og vere med på barnehagebesøk, skulebesøk, kulturkveldar, stand, møte med ordførarar, dialektkafé, skiløp, quiz og næringslivsbesøk. På heimesida til stafetten kan folk følgje med på reiseruta og sjå kva tid han kjem til deira kommune. Dei lokale mållaga rundt om i landet skal organisere eit opplegg på kvar plass, og stafetten blir avslutta i Bygland på Agder den 19. oktober.

– Ivar Aasen skapte nynorsk ved å reise heile Noreg rundt for å samle inn norske ord og dialektar. I språkåret lagar mållag landet rundt ein nasjonal stafett for å feire det norske språket vi kan takke Ivar Aasen for. Nynorskstafetten er eit stort lyft for Noregs Mållag, og vi gler oss til å turnere over heile landet, seier Håvard B. Øvregård.

 

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Nynorsk rettskriving

Færre elevar har nynorsk som hovudmål

No har ein av ni elevar nynorsk som opplæringsmålform. Leiar ved Nynorsksenteret er ikkje overraska, men ser det òg i samanheng. 11,4 prosent av norske...

Nynorskkommunane støttar økonomisk likestilling for Det Norske Teatret

Styret i Nynorskkommunane – LNK stiller seg bak Tett gapet – aksjonen for å auka tilskotet til Det Norske Teatret. Nynorskteateret i hovudstaden manglar 30...
Språkrådet og språkdirektør Åse Wetås meiner den nye læreplanen kan svekkje den samla norskkompetansen til elevane. Foto: Moment Studio/Språkrådet

Undersøking: Nynorsken står svakt i lærarutdanninga

I ei undersøking går det fram at mange lærarstudentar kan fullføre studiet utan å bli vurderte i nynorsk. Over 70.000 elevar her i landet...

BankID også på nynorsk

I 20 år har BankID vore tilgjengeleg på bokmål og engelsk. No er nynorsk eit alternativ for dei som ønskjer det. Nyheita om at BankID...