Heim Nyhende Stadig fleire kommunar vil ta imot ekstra-flyktningar

Stadig fleire kommunar vil ta imot ekstra-flyktningar

Talet på ekstra kvoteflyktningar frå Syria som vert ønskte velkommen av norske kommunar, held fram med å auke. Det samla talet for 2015 og neste år er no 2.210.

 

Den siste oversikta frå Barne-, likestillings- og inkluderingsdepartementet viste fredag ettermiddag at norske kommunar har sagt seg villige til å ta imot 1.240 ekstra flyktningar i år og 970 neste år.

Fristen for å gi ei tilbakemelding om dette var opphavleg sett til sist onsdag, men svara fortset å komme inn til departementet.

– Det er rundt 252 kommunar som har svart klokka 12 i dag, skriv departementet.

– Det står att å gjennomgå alle svara, heiter det vidare.

Mange kommunar har også bedt om å få utsett frist til å svare.

Stortingsfleirtalet ønskjer at Noreg skal ta imot inntil 10.000 ekstra kvoteflyktningar frå Syria dei neste to åra, men regjeringa stretar imot.

Partia på Stortinget innleidde 19. mai forhandlingar om talet på flyktningar og eventuelt andre, norske tiltak for å avhjelpe den desperate situasjonen for millionar av menneske som er drivne på flukt av borgarkrigen i Syria.

Utfordringa med å få busett flyktningane i norske kommunar står sentralt, og regjeringa har peikt på at over 5.000 flyktningar allereie ventar på busetjing i Noreg. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Nynorsk teaterjubel i raudgrøn budsjettsemje

– Alle som er glade i nynorsk scenekunst, kan sende ein varm tanke og ei hjarteleg takk til Audun Lysbakken og SV. Det seier leiar...

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...