Dagleg leiar i LNK, Vidar Høviskeland, er glad for auken i statstilskotet til LNK. – Men det er ikkje nok til å finansiere prosjekta me planlegg, seier han.
I 2013 får Landssamanslutninga av nynorskkommunar (LNK) ein auke i statstilskotet på 3,3%, altså litt i overkant av løns- og prisveksten.
– Me er sjølvsagt glade for at løyvinga vert vidareført, men i år søkte me om ei auke på 600 000 fordelt på tre nye prosjekt. Løyvinga som no ligg inne gjer at me må finansiera desse prosjekta på andre måtar, dersom me skal kunna vidareføra dei. Dette skal styret ta stilling til på neste styremøte, seier dagleg leiar i LNK, Vidar Høviskeland.
– Heldigvis har LNK fleire bein å stå på enn løyvingar frå staten, men statstilskotet utgjer likevel ein sjettedel av budsjettet vårt og betyr difor mykje for oss, seier Høviskeland.
