Heim Nyhende Sterke reaksjonar på forslag om lærarkåring

Sterke reaksjonar på forslag om lærarkåring

Bergen kommune foreslår å la elevane kåre «årets lærar» i Bergen, men både rektorar, lærarar og elevorganisasjonen vender tommelen ned.

Kommunen inviterer Utdanningsforbundet, Norsk Skuleleiarforbund og ungdommens bystyre til valkomiteen for ei kåring av «årets lærar» i ungdomsskulen i Bergen. Premien skal vera eit studiestipend, men leiaren i Utdanningsforbundet i Bergen, Grete Ingebrigtsen, er ikkje nådig.

– Det er grunn til å tru at lærarar og skoleleiarar vil motta dette som ein dårleg spøk i beste fall, ein god del vil bli sinte, seier Ingebrigtsen til Bergens Tidende.

Ho avviser at kåringa vil bidra til å motivere lærarane, og varslar at forbundet ikkje vil vera med i nokon jury.

– Det finst så vidt vi veit ingen dokumentasjon på at tiltak som dette har nokon som helst positiv verknad på den jobben lærarane utfører. Lærarane våre ønskjer heller ikkje å bli gjenstand for ukvalifisert synsing frå elevane, seier ho.

– Vi kan ikkje sjå at elevråda har kompetanse til å vurdere lærarar på denne måten. I verste fall kan dette bli show og synsing, seier Per Moland, leiar for Norsk Skolelederforbund i Bergen.

Heller ikkje representantane for elevane er positive.

– Det er ikkje lett å plukke ut dei beste lærarane, og eg veit ikkje heilt kva ein ønskjer å oppnå med dette, seier leiar Ingrid Liland i Elevorganisasjonen.

Skulebyråd Filip Rygg (KrF) seier at forslaget ikkje er politisk behandla.

– Forslaget kom frå ein lektor. Vi ønskjer å drøfte det og har derfor invitert til eit møte, seier Rygg. (©NPK)

 

Førre artikkelUng og historisk
Neste artikkelFrustrert over nissestempel

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...

Unikt Aasen-materiale publisert på nett

Boksamlinga etter Ivar Aasen inneheld omlag 2 500 bøker. I januar i år tok Nynorsk kultursentrum til på arbeidet med å gå gjennom alle...