Heim Nyhende Storfylke på Vestlandet ikkje heilt utenkjeleg for Rogaland

Storfylke på Vestlandet ikkje heilt utenkjeleg for Rogaland

Om få år kan Rogaland vere ein del av det nye Vestland fylke, meiner fylkesordførar i Rogaland Solveig Tengesdal (KrF). Ho blei lokka av fleire på nyttårsmøtet til Hordaland fylkeskommune, fortel Bergens Tidende.

 

– Solveig: du og Rogaland må vere med. Elles får vi ikkje dette til, sa Geir Inge Lunde, leiar for PwC Region Vest, då han heldt inspirasjonsforedrag om sine visjonar for «Verdens Hav-region», Vestlandet, under Hordaland fylkeskommunes nyttårsmøte torsdag.

– Dette er ein modningsprosess. Eg er sikker på at Rogaland kjem etter, seier fylkesordførar i Hordaland Anne Gine Hestetun, til avisa.

Fylkestinget i Rogaland sa for to år sidan nei til intensjonsavtalen som Tengesdal, Hestetun og Sogn og Fjordane-ordførar Jenny Følling forhandla fram. Men i forslaget som vart samrøystes vedtatt, står det at dersom regionane blir tilført nye oppgåver, vil ein vurdere å samarbeide med Hordaland.

Det gjer at Tengesdal trur det kan tvinge seg fram ein ny diskusjon etter valet i haust.

– Flytting av oppgåver frå staten til fylka blir avgjerande for oss. Dersom Stortinget vedtar ei stor og god pakke der, opnar vedtaket vi gjorde for at vi kan ta spørsmålet opp på ny. Men det blir ikkje aktuelt i denne valperioden. No må Hordaland og Sogn og Fjordane gjennomføre sin prosess, så får vi sjå i neste valperiode, seier ho. (©NPK)

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Undersøking: Journalistar med nynorskkompetanse er mangelvare

I ei undersøking om «Nynorsk i avisene» kjem det fram at aviser som bruker begge skriftspråk er positive til meir nynorsk. Samtidig har redaktørane...

Norsk Målungdom har valt ny leiar

Sebastian Vinsent Natvik frå Alver kommune i Vestland er valt som ny leiar for Målungdommen. – Eg er veldig takksam for tilliten til landsmøtet, og...

Harselerer og hyller nynorsken i ny musikal

Are Kalvø og Ingrid Bjørnov har laga musikal inspirert av nynorsk (spynorsk) (m)ordliste og Ivar Aasen. 13. april har det satiriske stykket premiere på...

Norsk Barneblad – i takt med tida sidan 1887 – og truleg eldst i verda

Norsk Barneblad er truleg det eldste eksisterande bladet i verda for barn. Det har kome ut utan stans sidan 1887 og lever i beste...