Kommunalministeren vil støtte arbeidet om å slå saman Agder-fylka.
– Det er viktig at slike lokale initiativ om samanslåing av fylke eller kommunar får økonomiske rammer som gjer det muleg å ha gode og solide prosessar, seier kommunalminister Liv Signe Navarsete (Sp) i ei pressemelding.
Kommunal- og regionaldepartementet gjev 615 000 kroner til utgreiing og folkehøyringar i samband med ei eventuell samanslåing av fylkeskommunane i Aust-Agder og Vest-Agder.
Både fylkestinget i Aust – og Vest-Agder har vedteke å gå for samanslåing, men berre Aust-Agder ynskjer å legge saka ut for folkerøysting.
