Denne veka vart forfattar Sunniva Relling Berg (24) tildelt Stiftelsen Kjell Holms kulturpris på 300 000.
Relling Berg debuterte på Samlaget med ungdomsromanen Utfor i 2011. Boka fekk gode kritikkar og vart nominert til Brageprisen.
– Eg er utruleg takksam overfor stiftelsen som har gjeve meg sjansen til å «kjøpe» skrivetid eg elles ikkje hadde hatt samvit til å bruke, seier Relling Berg til Sunnmørposten.
Stiftelsen Kjell Holms kulturpris blir delt ut for å støtte og utvikle kulturelle og samfunnsgagnelege tiltak, i første rekke dei som er knytt opp til Kjell Holm sin fødeby, Ålesund, eller garden Sandbu i Vågå.
