Norsk Barneblad inviterer til fotokonkurranse der oppgåva er å fotografere nynorsk med mobilen.
For å delta må ein merke bileta med #nynorsk og poste dei på facebooksida til Norsk Barneblad, på Twitter eller på Instagram.
Bladet har trua på at det går an å fotografere eit språk og kårar ein vinnar 1. september. Konkurransen er open for alle og i etterkant vil det bli laga ei digital utstilling av dei innsendte bidraga.
Norsk barneblad er det einaste barnebladet på nynorsk og er retta mot barn frå åtte år og oppover. (©NPK)
