Heim Nyhende To av tre blå kommunar har eigedomsskatt

To av tre blå kommunar har eigedomsskatt

Trass i stor ideologisk motstand, har to av tre blå kommunar eigedomsskatt. Borgarlege ordførarar seier dei er avhengige av eigedomsskatten for å få hjula til å gå rundt.

 

– Utan eigedomsskatten hadde vi ikkje klart å levere tenester på eit lovleg nivå, seier Høgre-ordførar Anne-Mette Øvrum i Sør-Odal kommune til Klassekampen.

Kommunen er éin av 78 Høgre-styrte kommunar i Noreg som har eigedomsskatt. Ei oversikt Klassekampen har laga, viser at 66 prosent av dei Høgre- og Frp-styrte kommunane i landet vel å skattleggje eigedom, trass i at kommunane sjølve får bestemme om dei ønskjer å gjere det.

Tal frå Statistisk sentralbyrå, som vart lagt fram tysdag denne veka, viser at stadig fleire kommunar vel å ha eigedomsskatt. I år har 341 av dei 428 kommunane i landet denne inntekta. For Sør-Odal utgjer den 22 millionar kroner årleg.

Kristiansand har lenge vore den av dei største byane i landet som hentar inn mest i eigedomsskatt. Trass i valløftet i 2011 om å fjerne skatten heilt, kan ikkje ordførar Arvid Grundekjøn seie når det vil skje.

– Det er umogleg å seie når vi kan fjerne skatten heilt. Vi finn ingen alternative kjelder til inntekter på kort sikt. Utan eigedomsskatt måtte vi i dagens situasjon ha gjennomført brutale endringar i budsjettet eller akseptert høgare gjeldsbyrde for kommunen, seier han. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...

Unikt Aasen-materiale publisert på nett

Boksamlinga etter Ivar Aasen inneheld omlag 2 500 bøker. I januar i år tok Nynorsk kultursentrum til på arbeidet med å gå gjennom alle...