Heim Nyhende Aasmund, Odd og nynorsken

Aasmund, Odd og nynorsken

For Nordstoga-brørne er nynorsken ikkje ei kampsak, men heilt naturleg.

 

– Du må velje å ta den rolla som nynorskbrukar, seier Odd. Aasmund er samd. – Ja, anten må du velje ho vekk, eller så må du ta rolla.

– Du blir liksom tvinga inn i ho om det er slik at du brukar nynorsk i utgangspunktet, fortel dei.

Aasmund og Odd Nordstoga er gode ambassadørar for nynorsken.

– Eller – det er vel rettare å seie at vi er sjølvoppnemnde ambassadørar for nynorsken, presiserer eldstebror Aasmund på spørsmål om kva dei trur er grunnen til at dei deler heideren som årets nynorskbrukar under Dei nynorske festspela i år.

Heidra for arbeidsspråket

Dei er begge på plass under festspela for å ta imot prisen. Dessutan skal dei vere med på fleire programpostar i tillegg til å spele i lag. Begge er etablerte artistar og komponistar og brukar nynorsk som både arbeids- og profileringsspråk. Dei passar på at alt materiell, og alt rundt dei er på nynorsk – cover, plakatar og meir. Noko anna hadde ikkje vore naturleg, fortel dei.

Heilt naturleg, ikkje politikk

– Om du er ein minoritet, er du nøydd til å ha eit medvite forhold til det du er. Me er nøydde til å ha eit medvite forhold til nynorsken i det me gjer, seier Aasmund Nordstoga.

– Det er ikkje den lettaste vegen å gå, kan Odd fortelje.

– Men me har tatt eit val om å vere medvitne valet vårt, medvitne vår kultur og identitet og brukarar av nynorsk. Noko anna hadde vore unaturleg for oss. Og om me i det heile hadde forsøkt å gjere noko anna, så hadde foreldra våre passa på. Ja, om eg og Aasmund hadde vore sløve og gått over til bokmål, hadde me blitt arvelause begge to. Det er me heilt trygge på, ler han.

Men at dei brukar nynorsk, er ikkje spesielt for dei sjølve.

– Me får aldri kommentarar på at me syng på nynorsk. At intro-låten til Linus i Svingen er på nynorsk – det er berre slik det er, det. Det er ikkje noko spesielt for barn eller vaksne at det er slik, eg trur ikkje dei legg merke til det, fortel Odd.

– Og det synest eg er flott, legg han til.

Vener

– Det er fint at det er så naturleg å ha nynorsk som bruksspråk at det ikkje blir kommentert spesielt. Det er sjølvsagt kjekt å bli heidra i slike samanhengar, og det er kjekt å vere på Dei nynorske festspela – her nynorsken står så støtt.

Sjølv om dei begge er kjende musikarar og komponerer musikk – og i tillegg er brør, er det sjeldan dei opptrer i lag.

– Ja det er faktisk første gongen me er i lag på ei scene, kjem Odd på då vi snakkar med dei.

– Men det er heller ikkje mykje krangling, roar Aasmund oss og ler lunt i skjegget. (©NPK)

Desse har fått prisen

2014: Aasmund Nordstoga og Odd Nordstoga

2013: Gunnar Skirbekk

2012: Ingvil Bryn og Arill Riise

2011: Linda Sæbø

2010: Maria Parr

2009: Ottar Rekkedal

2008: ÅmliAvisa

2007: Guri Vesaas

2006: Kari Traa

2005: Kjartan Fløgstad

2004: Side Brok

2003: Martin Toft

2002: Ringstadvekk skole, Bærum

2001: Gerd Kjellaug Berge

2000: Karl Arne Utgård

(©NPK)

 

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Alt gjer seg betre på nynorsk

Prisvinnar Øystein Furevik gir folk nynorsk i ei verd prega av engelsk. For han er nemleg alt betre på nynorsk. – For meg er nynorsk...

Nynorsk kultursentrum stiller opp for Det Norske Teatret

Det Norske Teatret troppa opp på Festspela for å lansere si nye kampanje for å tette finaniseringsgapet som har utvikla seg samanlikna med Nathionaltheatret....

Nynorsk barnelitteraturpris til Markus Lantto og Camilla Kuhn

Forfattar Markus Lantto og illustratør Camilla Kuhn har fått Nynorsk barnelitteraturpris 2022 for boka Kåre og Marimba hjelper til gjeven ut på Samlaget. – Juryen...

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...