Heim Nyhende – Tøffare å vera rådmann

– Tøffare å vera rådmann

Dei siste to åra har minst 23 rådmenn måtta gå frå stillingane sine, viser ei kartlegging Kommunal Rapport har gjort. Fleire meiner det å vera rådmann har blitt meir krevjande.

 

– Klimaet har heilt klart blitt tøffare dei siste åra, seier sekretariatsleiar Hans Hagene i Norsk rådmannsforum til avisa.

Han fortel at stadig fleire rådmenn tek kontakt. Berre det siste halve året har forumet hatt femti saker om arbeidsavtalar for rådmenn.

– Det ser ut som om konfliktnivået mellom rådmenn og politikarar har auka, seier Hagene.

Også leiar i rådmannsutvalet i KS, interesseorganisasjonen for kommunane, Bente Larssen, meiner det har blitt meir krevjande å vera rådmann.

– Generelt kan det sjå ut som om ein i ein tilspissa situasjon raskt tyr til løysinga å kvitta seg med rådmannen, seier ho.

Både Hagene og Larssen meiner det aukande konfliktnivået mellom politikarane og rådmenn heng saman med at mange lokalpolitikarar er frustrerte fordi dei føler har fått mindre makt og handlingsrom.

Meir statleg styring og auka profesjonalisering blir nemnt som ulike forklaringar. Også ulik rolleforståing blir trekt fram som kime til konflikt.

– Generelt er nok ordførarar og rådmenn ikkje flinke nok til å ta den diskusjonen. Rådmann, toppleiinga i kommunen, ordførar og formannskap bør møtast og bli einige om korleis dei skal få samarbeidet til å fungera. Slik at politikarane føler dei styrer, mens rådmannen leiar, seier Hagene. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Nynorsk teaterjubel i raudgrøn budsjettsemje

– Alle som er glade i nynorsk scenekunst, kan sende ein varm tanke og ei hjarteleg takk til Audun Lysbakken og SV. Det seier leiar...

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...