Heim Nyhende Tøft å vere lokalpolitikar

Tøft å vere lokalpolitikar

Som lokalpolitikar får du ein del kjeft, og for enkelte kan det bli så mykje at dei blir sjuke og sluttar. KS er uroa for rekrutteringa til lokalpolitikken.

– Du blir sjuk av all kritikken, fortel Eva Pleym Lund, som sit i Vågsøy kommunestyre for Venstre, til NRK.

Lund kom inn i kommunestyret i 2007, og var med å avgjere at kommunen skulle arrangere verdas største seilskuteregatta, Tall Ship’s Races, i 2008. Det enda i 15 millionar kroner i underskot. Vågsøy kommune hadde allereie ein pressa kommuneøkonomi.

Eva Pleym Lund fronta kutt i skulebudsjettet for å dekke inn underskotet etter folkefesten. Det skapte reaksjonar. Ho opplevde kritikken frå media og folk som så vanskeleg at ho meiner det gjorde at ho blei sjukemeld.

Gunnar Olsen (H) har vore lokalpolitikar i Andøy i snart åtte år, men stiller ikkje til attval på grunn av kjeften han har fått.

– Det har vært ein kontinuerleg tirade av krasse lesarinnlegg. Eg er interessert i lokalpolitikk, og det har eg alltid vore, men eg synest ikke lenger det er verdt det, seier Olsen.

– Som lokalpolitikar må ein rekne med å få ein del kritikk, men eg synest det har vore veldig mykje usakleg kritikk som det er vanskeleg å svare på. Det er ikkje noko triveleg for familien heller, og dei er glade for at eg ikkje held fram som politikar, legg Olsen til.

Noreg er blant dei landa i Europa som har hyppigast utskiftingar i lokalpolitikken. Ved siste kommunestyreval takka 55 prosent nei til attval. KS er uroa for rekrutteringa.

– Når prioriteringane blir vanskelegere og personfokuset aukar i lokalpolitikken, er konsekvensen at du kan gå glipp av mange som er godt eigna til å ta verv. Kombinert med at det er vanskeleg å få nok folk til å stille liste og at vi har relativt låg valdeltaking, er dette eit signal i feil retning for lokalpolitikken si utvikling, seier Magne Nicolaisen i KS Nord-Norge til NRK.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Undersøking: Journalistar med nynorskkompetanse er mangelvare

I ei undersøking om «Nynorsk i avisene» kjem det fram at aviser som bruker begge skriftspråk er positive til meir nynorsk. Samtidig har redaktørane...

Norsk Målungdom har valt ny leiar

Sebastian Vinsent Natvik frå Alver kommune i Vestland er valt som ny leiar for Målungdommen. – Eg er veldig takksam for tilliten til landsmøtet, og...

Harselerer og hyller nynorsken i ny musikal

Are Kalvø og Ingrid Bjørnov har laga musikal inspirert av nynorsk (spynorsk) (m)ordliste og Ivar Aasen. 13. april har det satiriske stykket premiere på...

Norsk Barneblad – i takt med tida sidan 1887 – og truleg eldst i verda

Norsk Barneblad er truleg det eldste eksisterande bladet i verda for barn. Det har kome ut utan stans sidan 1887 og lever i beste...