Heim Nyhende Jon Fosse flyttar inn i Grotten

Jon Fosse flyttar inn i Grotten

Kulturminister Anniken Huitfeldt kunne i føremiddag fortelje at dramatikaren Jon Fosse flyttar inn i staten sin æresbustad Grotten.

Det har vor mange diskusjonar rundt kven det var som skulle overta æresbustaden etter komponisten Arne Norheim, som døydde i juni i fjor.

Grotten blei ført opp av Henrik Wergeland i 1840. Bustaden fekk namnet etter grotta som Wergeland fekk laga under det. Her hadde diktaren eit lite arbeidsrom. Grotten har vore staten sin kunstnarbustad sidan 1922.

Komponisten Christian Sinding, diktaren Arnulf Øverland og Arne Nordheim har budd i bustaden. Sjølve Grotten, hola under bustaden, er open for allmenta ein dag i året – kvar 17. mai.

Under annonseringa av arvtakaren til æresbustaden sa kulturmisteren til Jon Fosse:

– Du er den dramatikaren som er mest spelt i si samtid. Verka dine har blitt til 900 oppsetjingar og er sett om til 40 språk. Wergeland var diktar, Sinding komponist og Nordheim komponist. Du representerer kontinuitet i denne rekka.

Jon Fosse er født i Haugesund, vaksen opp i Hardanger og har fram til nå vore busett i Bergen. Han skriv på nynorsk og har skrive meir enn 50 bøker. Han debuterte med romanen ”Raudt, svart” i 1983. Fosse har tidlegare fått prisar som Nynorsk litteraturpris, Samlagsprisen, Ibsenprisen, Doblougprisen, Aschehougprisen, Nordisk Teaterunions dramatikerpris, Skandinavisk Nationalteaterpris og Norsk kulturråds ærespris, og han har også skrive filmmanus.

Då Fosse fekk Ibsenprisen 2010, sa han dette om kva nynorsken tyder for diktinga hans.
– Min forfattarskap er sjølvsagt uløyseleg knytt til nynorsken. Og eg trur, og veit, at nynorsken som språk påverkar, og er med på å bestemma, diktinga mi.

Her kan du lese meir om den anerkjente norske dramatikaren.

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

Trond (39) er tilsett i LNK – skal styrka nynorsk i skulen i Rogaland

Landssamanslutninga av nynorskkommunar har tilsett Trond Salte (39) for å få fart på prosjektet «Meir mål på Jæren». – Det er makelaust gildt! seier Trond...

Årsrapport for LNK 2023–2024

Annakvart år, i samband med årsmøtet og landstinget i LNK, legg organisasjonen fram ei fyldig årsmelding og revidert rekneskap for dei siste to driftsåra....

Mållaget jublar: SV vil gjere språklova betre for nynorsken

SV har fremja ei rekkje forslag i Stortinget som vil gjere den nye språklova betre for nynorsken. – SV tar ansvar for å rydde...

Velkomen til landstinget til LNK! Sjå programmet og meld deg på her!

Statssekretær Trude Storheim (Ap) og direktør i Språkrådet Åse Wetås kjem saman med ei rekkje andre interessante innleiarar til landstinget til LNK 3.-4. juni...