Nordisk språkkoordinator Bodil Aurstad (40), språkforskar Pia Lane (42) og professor i spesialpedagogikk Arnfinn Muruvik Vonen (50) er blant søkjarane til direktørstolen i Norsk språkråd. I alt er det tolv søkjarar som vil ha jobben etter Sylfest Lomheim.
I alt tolv søkjarar hadde meldt seg innan fristen den 15. februar. Fristen i den siste runden gjekk eigentleg ut 21. januar, men Kulturdepartementet forlengde fristen til 15. februar.
Éin av søkjarane ønskjer ikkje namnet sitt offentleggjort i denne omgangen.
Dei andre søkjarane er kommunikasjonsrådgivar Anne Sophie Juel (41) frå Oslo, lektor Thomas Klevmark (57) frå Lunner, korrekturansvarleg Ivar Lund (48) frå Oslo, musikar Øyvind Aspenes Robak (28) frå Volda, skippar Kim Bjarne Rosenkrone (54) frå Gaular, sjølvstendig næringsdrivande John Sollie frå Oslo, språklærar Lars Olav Strekerud (28) frå Oslo og lektor Jan Erik Thorbjørnsen (57) frå Oslo. (NPK)
