Det du aldri sa er tittelen på Tom Roger Aadland sitt tredje album som kjem ut i desse dagar. Som på den førre plata, Blod på spora, er også desse tekstane på nynorsk.
– Det nynorske språket med dialekten bak gir ein god klangbotn, seier Aadland til avisa Grannar.
Medan Blod på spora var ei gjendikting av Bob Dylan sitt album Blood on the tracks, er tekstane på Det du aldri sa Aadland sine eigne. Dette er ei live-plate, og med seg har han ei utvida bestening frå Blod på spora.
No reknar Aadland også med å gje ut ei engelsk plate i løpet av neste år.
Tom Roger Aadland kjem til Landstinget 2011 i april.
