Endå ei diktbok frå Helge Torvund blir trykt i nytt opplag.
Det er ikkje ofte diktbøker kjem i nye opplag. Aschehoug vil no trykka eit nytt opplag av den siste diktsamlinga til Helge Torvund, ALT BRENNER. Det vil seia at det same skjer med denne som med Alabama frå 2011.
– Det er storarta og veldig hyggeleg at boka sel godt, seier forfattaren sjølv til Framtida.no.
– Det er små opplag, og ikkje snakk om nokon besteljar, men det er jo hyggeleg likevel når salet
er høgare enn forventningane, skundar han å leggja til.
Helge Torvund er kjent for mange som aktiv på nett og særleg på Twitter. Han har òg lansert ei eiga nettside i samanhengen med lanseringa av denne boka, noko han trur kan ha hjelpt på salet.
1. mars les han dikt på Månefiksen i Oslo, og dagen etter signerer han bøker på Litteraturhuset.
Meld deg på nyhendebrevet vårt med siste boknytt ein gong i veka!
