Heim Nyhende Tre nynorske bøker kan få Brageprisen

Tre nynorske bøker kan få Brageprisen

Dette er dei nominerte bøkene for Brageprisen 2017.  
 

Mange prominente forfattarar står på lista over nominerte til Brageprisen 2017, ei liste som vart offentleggjort tidlegare i dag. Blant dei nominerte er Cecilie Løveid med Vandreutstillinger, Ellen Støkken Dahl og Nina Brochmann med Gleden med skjeden og Thomas Reinertsen Berg med Verdensteater.

Tre bøker på nynorsk er inkluderte: Både Maria Parr, Olaug Nilssen og Knut Ødegård sine bøker kan vinne årets Bragepris i kvar sine kategoriar.

Maria Parr har skrive barneboka Keeperen og havet, der vi møter tolvåringen Lena Lid og naboen Trille. Både Lena, Trille og farfaren må kjempe mot naturkreftane når havet ikkje vil gjere som dei ønskjer. Keeperen og havet har fått gode meldingar og er nominert i kategorien Barne- og ungdomsbøker.

Les reaksjonen til Maria Parr på Framtidajunior.no!

Les også: Maria Parr med ny bok til hausten

God kritikk

Ei anna bok som har fått merksemd i haust, er Tung tids tale av Olaug Nilssen, der ho skriv om livet med eit funksjonshemma barn. Denne sterke boka er nominert i kategorien skjønnlitteratur og har også imponert kritikarane.

Knut Ødegård er nominert i kategorien lyrikk og er på sitt femtiande år som poet. Samlinga Tida er inne vier plass til både politiske og religiøse førestillingar. Eit av dikta hans er tileigna politikaren Sylvi Listhaug.

LES OGSÅ: Les intervjuet til Mette Karlsvik av Knut Ødegård

25-årsjubileum

Brageprisen blei først delt ut i 1992, og har sidan den gong etablert seg som ein av dei største litteraturprisane i landet. Prisen er delt ut av Stiftelsen Den norske Bokprisen, der målet er å skape auka interesse for norsk litteratur.

I tillegg til lyrikk, skjønnlitteratur og barne-og ungdomsbøker, blir det også delt ut ein pris i kategorien sakprosa.

Prisen blir delt ut 21. november på Dansens hus.

Dette er dei nominerte til Brageprisen 2017: 

Open klasse: lyrikk

• Kristin Berget: og når det blir lyst blir det helt fantastisk, Cappelen Damm

• Jo Eggen: Ruindikt, Aschehoug

• Cecilie Løveid: Vandreutstillinger, Kolon forlag

• Knut Ødegård: Tida er inne, Cappelen Damm

Barne- og ungdomsbøker

• Helene Guåker: Sveiseblink, Gyldendal

• Mari Kanstad Johnsen: ABC, Gyldendal

• Hilde Matre Larsen og Mari Kanstad Johnsen (ill.): Gutt og Jente later som, Cappelen Damm

• Maria Parr: Keeperen og havet, Det Norske Samlaget

Sakprosa

• Thomas Reinertsen Berg: Verdensteater, Forlaget Press

• Ellen Støkken Dahl og Nina Brochmann: Gleden med skjeden, Aschehoug

• Monica Kristensen: Amundsens siste reise, Forlaget Press

• Marte Spurkland: Klassen, Cappelen Damm

Skjønnlitteratur

• Rune Christiansen: Fanny og mysteriet i den sørgende skogen, Forlaget Oktober

• Matias Faldbakken: The Hills, Forlaget Oktober

• Olaug Nilssen: Tung tids tale, Det Norske Samlaget

• Ole Robert Sunde: Penelope er syk, Gyldendal

Oppdatert: onsdag 1. november 2017 16.59

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Telemark fylkeskommune skal bruka minst 40 prosent nynorsk

– Eit godt og forpliktande vedtak, seier Noregs Mållag. Telemark fylkeskommune skal vera språkleg nøytralt og bruka minst 40 prosent nynorsk, har det nyleg blitt...

Desse endringane kan kome for nynorsken

Eit nytt spørjeord og nye kjønn på substantiv er noko av det Språkrådet har føreslått. Du har kanskje fått med deg at Språkrådet ønskjer at...

Alle nye lover bør kome på nynorsk!

Det er nynorsken sin tur til å bli favorisert i lovtekstane. Nynorskprosenten må opp. Når Stortinget vedtek ei lov, er ho skriven anten på bokmål...

NRK klarte ikkje nynorskkravet på radio og nett

NRK klarte nynorskkravet på TV, men ikkje radio og nett. Norsk Målungdom etterlyser fleire nynorskjournalistar. NRK har eit krav om 25 prosent nynorsk på kvar...