Heim Nyhende UiO får nynorsk-refs

UiO får nynorsk-refs

Om ikkje Universitetet i Oslo aukar nynorskbruken, kan Språkrådet ta saka vidare til Kunnskapsdepartementet.

 

Ein rapport om nynorskbruken ved Universitetet i Oslo (UiO) syner at universitetet bryt mållova på alle punkt. Kravet i lova er at 25 prosent av tekstane på nett og papir skal vera på nynorsk.

På nettsidene uio.no er berre 3,4 prosent av innhaldet på nynorsk, skriv Uniforum, noko som er ein nedgang frå 8 prosent i 2012.

Også når det gjeld kortare og lengre tekstar, periodiske publikasjonar, sosiale medium og skjema, er nynorskdelen langt lågare enn dei 25 prosentane lova krev. 28 av 92 skjema på UiO finst på begge målformene, mens 61 berre finst på bokmål. 3 av dei 92 finst berre på nynorsk.

– Dette er eit resultat me ikkje er nøgde med, og me vil følgja det opp, skriv universitetsdirektør Gunn-Elin Aa. Bjørneboe i ein e-post til Uniforum.

Kristin Solbjør i Språkrådet understrekar at alle sentrale statsorgan er pålagde å rapportera om målbruken i organisasjonen.

– Desse rapportane følgjer me opp, og ser me at eit organ over tid ikkje følgjer opp tilrådingane våre, kan me ta dette vidare til gjeldande departement, her Kunnskapsdepartementet, seier ho.

På spørsmål om ein nynorskdel på 25 prosent er realistisk for eit hovudstadsuniversitet, svarer Solbjør dette:

– Universitetet i Oslo er ikkje eit regionalt universitet for Oslo og Austlandet. Det er eit universitet for heile landet. Å respektera mållova er eit samfunnsansvar det er viktig at universiteta tek på alvor. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...

Unikt Aasen-materiale publisert på nett

Boksamlinga etter Ivar Aasen inneheld omlag 2 500 bøker. I januar i år tok Nynorsk kultursentrum til på arbeidet med å gå gjennom alle...