Bedriftsforbundet er uroa over mangelen på tilgang på kapital for små bedrifter i distrikta.
Dei regionale utviklingsmidlane til fylka blei kutta med 358 millionar kroner frå 2013 til i år. Administrerande direktør i Bedriftsforbundet, Lars Erik Sletner, meiner det er viktig at regjeringa styrkjer dei generelle rammevilkåra for næringslivet i fylka som er hardast ramma. Mellom ønskjer han ei styrking av Såkornfond og Skattefunnordninga i statsbudsjettet til hausten, skriv Nationen.
– Det er mange på investeringsvilje i privatmarknaden i distrikta. Difor er det svært viktig med gode, offentlege støtteordningar. Kutt i dei regionale utviklingsmidlane kan få konsekvensar, avhengig av kva fylke vi snakkar om, seier Sletner til Nationen.
Finanspolitisk talsmann og nestleiar i Venstre, Terje Breivik, deler uroa til forbundet over at gründerar og bedrifter ikkje kjem seg vidare grunna manglande risikokapital. Breivik tek mellom anna til orde for ei styrking av etablerarstipendet til Innovasjon Noreg og varslar at det vil kome ei ny og meir effektiv såkornsordning. (©NPK)
