Heim Nyhende Utlyser nynorsk-jobb

Utlyser nynorsk-jobb

IMDi vedgår at dei har for lite materiell på nynorsk.

– Me er bevisste på at me har for lite nynorsk både på nettsidene våre og i informasjonsarbeidet, seier kommunikasjonssjef Bjørg Karin Bjåland Buttedahl, og viser til at IMDi no vil utlyse ein rammeavtale for å få omsett materiell til nynorsk.

Les også: For lite nynorsk i IMDi

Det er Ørsta opplæringssenter som har sett søkjelyset på det dei meiner er mangel på nynorsk informasjonsmateriell hjå IMDi.

– IMDi har mykje informasjonsmateriell som dei ynskjer skal kome nye innbyggjarar til gode; eigne og eksterne publikasjonar, samt innhaldet på IMDi si heimeside generelt. Samanlikna med bokmålskommunar vert vi lite assistert av dykkar arbeid. Spanande og relevante lenker og eigenprodusert informasjonsmateriell kan ikkje nyttast i vår undervisning utan at det krevst vesentleg innsats til dømes gjennomomsetjing, skriv dei i eit brev til IMDi og viser til at det også er krevjande for deltakarane å finne fram på eiga hand når alt er på bokmål.

Buttedahl legg vekt på at IMDi ikkje leverer undervisningsmateriell som er tenkt direkte til flykningane, men derimot informasjonsmateriell retta mot kommunane.

– Undervisningsmateriellet er det VOX som har ansvaret for, ikkje IMDi.

Kommunikasjonssjefen er likevel bevisst på at IMDi skal ha 25 prosent nynorsk, både i brev, på nettsidene og i resten av informasjonsmateriellet.

– Me håpar å få ein god leverandør no som kan gi oss det me treng av nynorsk materiell. Det er mykje enklare når ein har tilsette som kan omsetje frå bokmål til nynorsk, men det har me ikkje no, seier Bjørg Karin Bjåland Buttedahl .

 

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Stillingsutlysing: Vil du få til meir MÅL på Jæren?

Stillingsutlysing: Er du glad i målet ditt, nynorsk og vil få fleire til å gleda seg over dialekta si og nynorsken? Er du i tillegg...

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...

Nynorsk litteratur der ute – og heim igjen

Korleis har litteratur på mindretalsspråket nynorsk enda opp med å vinne internasjonale prisar? Og kvar går vegen vidare? Dette er nokre av spørsmåla du kanskje...